Prarthana Behere: प्रार्थनाच्या आयुष्यातील सर्वात मोठा निर्णय… नाहीतर आज लंडनमध्ये असती गृहिणी
Prarthana Behere: प्रार्थना बेहेरे हिने घेतलेला 'तो' मोठा निर्णय... एका अटीमुळे बदललं आयुष्य... नाहीतर आज लंडनमध्ये असती गृहिणी... सध्या सर्वत्र फक्त आणि फक्त प्रार्थना बेहेरे हिच्या आयुष्याची चर्चा...
Prarthana Behere: आपण लोकप्रिय अभिनेत्री होणार हे खुद्द प्रार्थना बेहेरे हिला देखील माहिती देखील नव्हतं. पत्रकार म्हणून करियरची सुरुवात करणारी प्रार्थना आज प्रसिद्ध आणि लोकप्रिय अभिनेत्री आहे.. आज प्रार्थना हिला कोणत्याच ओळखीची गरज नाही. ‘पवित्र रिश्ता’ मालिकेतून प्रार्थना हिने करियरची सुरुवात केली, त्यानंतर कधीच मागे वळून पाहिलं नाही… प्रार्थना आज मराठी सिनेविश्वातील प्रसिद्ध आणि दिग्गज अभिनेत्री आहे. पण ‘पवित्र रिश्ता’ मालिकेची ऑफर आलेली असताना अभिनेत्रीचं लग्न ठरलं होतं. पण तेव्हा घेतलेल्या एका निर्णयामुळे प्रार्थना अभिनेत्री म्हणून प्रसिद्धीझोतात आली.
पत्रकार म्हणून काम करत असताना अनेकांनी प्रार्थना हिला तू अभिनयात का नशीब आजमावत नाहीस? असं विचारायचे. अशात एकता कपूर हिने ‘पवित्र रिश्ता’ या मालिकेसाठी प्रार्थना हिला ऑफर दिली. पण तेव्हा प्रार्थनाच्या आई – वडिलांनी तिचं लग्न जमवलं होतं.
नुकताच दिलेल्या एका मुलाखतीत प्रार्थना हिने आयुष्यातील मोठ्या निर्णयाबद्दल सांगितलं. प्रार्थना म्हणाली, ‘आई – वडिलांना वाटत होतं शिक्षण झालं आहे, नोकरी आहे तर लग्नाचं बघायला हवं… त्यांनी माझ्यासाठी लंडनचं स्थळ पाहिलेलं होतं. ते अरेंज मॅरेज होतं. त्या मुलाला मी पाहिलेलं देखील नव्हतं… पण मी लग्नासाठी होकार दिलेला आणि त्याच वेळी मला ‘पवित्र रिश्ता’साठी ऑफर आली…’
‘मी मालिकेचा करार वाचला… त्यामध्ये एक अट होती. मी तीन वर्ष लग्न करू शकत नाही आणि गरोदर देखील राहू शकत नाही… अशात मी आईला स्पष्ट सांगितलं होतं. आई मी आता 3 वर्ष लग्न करु शकत नाही.. त्या मुलाला तू ‘नाही म्हणून सांगून दे… आई सुरुवातील थोडी गोंधळली…’ पण प्रार्थना आईला म्हणाली, ‘तुला काय हवंय? मी माझं करिअर करावं की लग्न करून सेटल व्हावं?’ तेव्हा प्रार्थना हिच्या वडिलांनी तिला साथ दिली..
पुढे प्रार्थना म्हणते, ‘मालिका मिळाली नसती तर, मी आज लंडनमध्ये एखाद्या गृहिणीचं आयुष्य जगत असते… मी लंडनमध्ये जरी गेले असते, तरी मी काहीतरी करुन स्वतःचा खर्च भागवला असता… पण नशिबात अभिनय आणि हे ग्लॅमरचं जग लिहिलेलं होतं…’ असं देखील प्रार्थना म्हणाली. प्रार्थना हिच्या शिक्षणाबद्दल सांगायचं झालं तर, तिने स्टॅटिस्टिक्स (Statistics) मधून पदवी घेतली आहे. शिवाय अभिनेत्री भरतनाट्यम विशारदही आहे. तर सध्या प्रार्थना ‘अगं अगं सुनबाई काय म्हणता सासूबाई’ सिनेमामुळे चर्चेत आहे.
