Raja Shivaji : ‘राजा शिवाजी’चा कमाईचा आकडा वाढताच… मराठी सिनेविश्वात घडणार मोठा इतिहास

Raja Shivaji : अभिनेता रितेश देशमुख स्टारर आणि दिग्दर्शित ‘राजा शिवाजी’ सिनेमा 20 व्या दिवशी देखील बॉक्स ऑफिसवर उत्तम कमाई करताना दिसत आहे. प्रेक्षकांकडून सिनेमाला भरपूर प्रेम मिळत आहे. सिनेमाने जगभरात 100 कोटींचा आकडा ओलांडला आहे. एवढंच नाही तर, मराठी सिनेविश्वातील सर्वात जास्त कमाई करणाऱ्या सिनेमांच्या दिशेने ‘राजा शिवाजी’ने वाटचाल सुरु केली आहे. 1 मे रोजी प्रदर्शित झालेल्या सिनेमाने आतापर्यंत आणि बुधवारी म्हणजे 20 व्या दिवशी किती कोटी रुपये कमावले जाणून घ्या…

‘राजा शिवाजी’ सिनेमाचं 20 दिवसांचं कलेक्शन

‘राजा शिवाजी‘ सिनेमाने बॉक्स ऑफिसवर आपली पकड मजबूत ठेवली आहे. प्रदर्शनाच्या पहिल्या दिवसापासून सिनेमा दमदार कमाई करताना दिसत आहे. एवढंच नाही तर, सगल तिसऱ्या आठवड्यात देखील सिनेमाने मोठी कमाई केली आहे. सिनेमा आता प्रत्येक दिवशी 1 कोटी रुपयांच्या वर कमाई करत आहे. 19 व्या दिवशी कमाई वाढ दिवसून आली तर, 20 व्या दिवशी सिनेमाच्या कमाईचा वेग मंदावला.

‘राजा शिवाजी’ सिनेमाच्या तीन आठवड्यांच्या कमाईबद्दल सांगायचं झालं तर, सिनेमाने पहिल्या आठवड्यात 52.65 कोटींची कमाई केली. त्यानंतर दुसऱ्या आठवड्यात 24.30 केटींची मदत केली… आता, सॅकनिल्कच्या एका रिपोर्टनुसार, ‘राजा शिवाजी’ने 15 व्या दिवशी 1.45 कोटी रुपये, 16 व्या दिवशी 2.70 कोटी रुपये, 17 व्या दिवशी 3.45 कोटी रुपये, 18 व्या दिवशी 1.15 कोटी रुपये आणि 19 व्या दिवशी 1.30 कोटी रुपये कमावले आहेत. तर बुधवारी म्हणजे 20 व्या दिवशी सिनेमाने 1.10 कोटींची कमाई केली आहे. म्हणजे ‘राजा शिवाजी’ सिनेमाने 88.10 कोटींची कमाई केली आहे.

100 कोटींच्या किती दूर आहे ‘राजा शिवाजी’ सिनेमा?

गेल्या 20 दिवसांपासून ‘राजा शिवाजी’ सिनेमा बॉक्स ऑफिसवर धुमाकूळ घालत आहे. भारतात सिनेमाने 88 कोटींपेक्षा जास्त कमाई केली आहे… आता काही दिवसांत सिनेमा 100 कोटींच्या घरात पोहोचेल… 12 कोटी आणखी कमावल्यानंतर ‘राजा शिवाजी’ सिनेमा मराठी सिनेविश्वातील 100 कोटाींचा टप्पा पार करणारा पहिला सिनेमा ठरेल… आता चौथ्या आठवड्यात सिनेमा किती कोटींची कमाई करेल… हे पाहणं महत्त्वाचं ठरणार आहे.