Raja Shivaji : ‘राजा शिवाजी’ सिनेमाची घोडदौड सुरूच, आता रचणार मोठा विक्रम

Raja Shivaji : ऐतिहासिक सिनेमा ‘राजा शिवाजी’ सिनेमा 1 मे रोजी मोठ्या पडद्यावर प्रदर्शित झाला आणि सिनेमा पाहण्यासाठी प्रेक्षकांनी मोठी गर्दी केली आहे. गेल्या 15 दिवसांपासून ‘राजा शिवाजी’ सिनेमा बॉक्स ऑफिसवर उत्तम परफॉर्म करताना दिसत आहे… अभिनेता रितेश देखमुख दिग्दर्शित आणि स्टारर ‘राजा शिवाजी’ सिनेमा लवरकच मोठा विक्रम रचणार आहे. दोन आठवड्यात सिनेमाने भारतात तब्बल 75 कोटी रुपयांचा गल्ला जमा केला आहे. आता सिनेमाने तिसऱ्या आठवड्यात एन्ट्री केली आहे… तर जाणून घ्या तिसऱ्या आठवड्यात सिनेमाने किती कोटी रुपयांपर्यंत मजल मारली आहे.

‘राजा शिवाजी’ सिनेमाने 15 व्या दिवशी किती कमाई केली?

‘राजा शिवाजी’ने बॉक्स ऑफिसवर दोन आठवडे दमदार कामगिरी केली. या काळात सिनेमाने बॉक्स ऑफिसवर वर्चस्व गाजवले. मात्र, प्रदर्शनाच्या तिसऱ्या आठवड्यात प्रवेश करताच, त्याला आयुष्मान खुरानाच्या ‘पती पत्नी और वो’ आणि संजय दत्तच्या ‘आखिरी सवाल’ या सिनेमांकडून स्पर्धेला सामोरं जावं लागलं. तरीही, या नवीन सिनेमांनी ‘राजा शिवाजी’ची क्रेझ कमी केली नाही आणि सिनेमाने 15 व्या दिवशी, म्हणजेच तिसऱ्या शुक्रवारी, दमदार कमाई केली.

‘राजा शिवाजी’ सिनेमाच्या कमाईबद्दल सांगायचं झालं तर, सिनेमाने पहिल्या आठवड्यात 52.65 कोटी रुपयांची कमाई केली. त्यानंतर दुसऱ्या आठवड्यात सिनेमा जवळपास 24.30 कोटी रुपयांची कमाई केली. आता सॅकनिल्कच्या अर्ली ट्रेंड रिपोर्टनुसार, ‘राजा शिवाजी’ने प्रदर्शनाच्या 15 व्या दिवशी म्हणजेच तिसऱ्या शुक्रवारी 1.45 कोटी रुपयांची कमाई केली आहे. म्हणजेच सिनेमा 15 दिवसांत तब्बल 78.40 कोटी रुपयांची कमाई केली आहे.

‘राजा शिवाजी’ने प्रदर्शनाच्या पहिल्या 15 दिवसांत 78.40 कोटी रुपयांची कमाई केली आहे. ‘बाईपण भारी देवा’ 76.28 कोटी रुपयांच्या लाईफटाईम कलेक्शनला मागे टाकत, हा दुसरा सर्वाधिक कमाई करणारा मराठी सिनेमा ठरला आहे. आता हा सिनेमा ‘सैराट’चा 80.98 कोटी रुपयांचा टप्पा ओलांडण्यापासून फक्त 2 कोटी रुपये दूर आहे. ‘राजा शिवजी’ सिनेमा तिसऱ्या शनिवारी हा टप्पा ओलांडून सर्वाधिक कमाई करणाऱ्या मराठी सिनेमाचा विक्रम आपल्या नावावर करेल… अशी शक्यता वर्तवण्यात येत आहे.

‘राजा शिवाजी’ सिनेमाची कास्ट

‘राजा शिवाजी’ सिनेमात अभिनेता रितेश देशमुख याने मुख्य भूमिका म्हणजे महाराजांची भूमिका साकारली आहे. तर सिनेमात अनेक बॉलिवूड कलांकारांनी देखील महत्त्वाची भूमिका साकारली आहे. सिनेमात अभिषेक बच्चन, संजय दत्त, जिनिलिया डिसूजा, विद्या बालन, भाग्यश्री, बोमन ईराणी, सचिन खेडकर यांनी महत्त्वाच्या भूमिका साकारल्या आहे. तर अभिनेता सलमान खान याने पाहुण्या कलाकाराची भूमिका साकारली आहे.