राजकुमार राव अन् पत्रलेखा आई-बाबा होणार?; अभिनेत्याने इंस्टा पोस्टवर स्पष्टच सांगितलं
अभिनेता राजकुमार रावची एक इंस्टा पोस्ट प्रचंड व्हायरल झाली आहे. राजकुमारची पोस्ट पाहून तो बाबा होणार असल्याचं म्हणत चाहत्यांनी त्याच्यावर शुभेच्छांचा वर्षाव केला. मात्र राजकुमार रावने त्याच्या पोस्टद्वारे खरी गुड न्यूज काय आहे ते स्पष्ट केलं आहे.
बॉलिवूडचा लोकप्रिय अभिनेता ज्याने स्वत:च्या मेहनतीवर इंडस्ट्रीत आपल्या नावाची एक वेगळी ओळख निर्माण केली. राजकुमार याचा सहज-सरळ अभिनय आणि स्वभाव प्रक्षकांच्या मनाला कायमच भिडतो. राजकुमारचा नवा चित्रपट कधी येतोय याची प्रेक्षक वाटच पाहत असतात. पण सध्या राजकुमारने केलेल्या एका पोस्टमुळे तो चांगलाच चर्चेत आला आहे.
राजकुमारची इंस्टा पोस्ट व्हायरल
राजकुमारने एक पोस्ट त्याच्या इंस्टावर शेअर केली.ज्यामुळे अनेकांना असं वाटतं आहे की राजकुमार आणि पत्रलेखा लवकरच आई-बाबा होणार आहेत. त्यावर अनेकांनी त्याला शुभेच्छा दिल्या तर अनेकांनी ‘तुम्ही आई-बाबा होणार आहात का?’ असं थेटच विचारलं. याबद्दल आता राजकुमार रावने पोस्टद्वारे स्पष्टच सांगितलं आहे.
राजकुमार आणि पत्रलेखा आई-बाबा होणार?
चाहत्यांनी विचारलेल्या या प्रश्नांमुळे अखेर राजकुमार रावने इंस्टाग्रामवर एक पोस्ट शेअर करत याचं उत्तर देताना लिहिलं आहे की, “काहीतरी खास येणार आहे. हे तुमच्यासोबत शेअर करण्यासाठी आता वेट होत नाहीये.” ही पोस्ट शेअर करत खाली कॅप्शनमध्ये राजकुमारने लिहिलं, “आम्ही अजूनतरी पॅरेन्टस् झालेलो नाहीये.” म्हणजे ही पोस्ट आई-बाबा बनण्याविषयी नाहीये. असं राजकुमारने पोस्टबद्दल खुलासाही केला आहे.
View this post on Instagram
राजकुमार आणि पत्रलेखा एकत्र प्रोजेक्टवर काम
राजकुमार आणि पत्रलेखा हे आई-बाबा होणार नसून दोघं मिळून एका प्रोजेक्टवर काम करणार असल्याचं दिसून येत आहे. राजकुमारचे चाहते त्याच्या आणि पत्रलेखाच्या एकत्र प्रोजेक्टसाठी खूप उत्सुक आहेत. या पोस्टवर चाहत्यांच्या लाइक्स आणि कमेंटचा वर्षाव पहायला मिळत आहे. त्यामुळे राजकुमार राव आणि पत्रलेखाला पुन्हा एकदा एकत्र पाहाण्यासाठी चाहत्यांना आतुरता आहे.
‘सिटीलाइट्स’ नंतर ही जोडी पुन्हा एकत्र दिसणार
राजकुमार आणि पत्रलेखा यांनी ‘सिटीलाइट्स’ चित्रपटात एकत्र काम केलं आहे. त्यानंतर त्यांनी एकमेकांना डेट करायला सुरुवात केली. पण त्यानंतर मात्र त्यांनी पुन्हा एका प्रोजेक्टमध्ये एकत्र काम केलं नाही. त्यामुळे इतक्या वर्षानंतर पुन्हा एकदा एका प्रोजेक्टमध्ये ही जोडी एकत्र दिसणार असल्यानं चाहत्यांनीही आनंद व्यक्त केला आहे.
दरम्यान, राजकुमार आणि पत्रलेखा जवळपास 11 वर्षे रिलेशनशिपमध्ये होते. या काळात त्यांनी एकमेकांना चांगल्या आणि कठीण परिस्थितीत आधार दिला. 15 नोव्हेंबर 2021 रोजी दोघांनी पारंपरिक बंगाली पद्धतीने चंदीगड येथे लग्नगाठ बांधली.
