41 वर्षांपूर्वी सर्वात बोल्ड सीन देणारी अभिनेत्री, आता चारतेय मेंढी, कोण आहे ती?

‘राम तेरी गंगा मैली’ या गाजलेल्या चित्रपटातून घराघरात लोकप्रिय झालेली अभिनेत्री मंदाकिनी सध्या मोठ्या पडद्यावर फारशी सक्रिय नसली तरी सोशल मीडियाच्या माध्यमातून ती चाहत्यांच्या संपर्कात असते. आपल्या आयुष्यातील खास क्षण ती चाहत्यांसोबत शेअर करत असते. नुकताच मंदाकिनीने मनालीच्या निसर्गरम्य वातावरणातील एक व्हिडीओ सोशल मीडियावर शेअर केला असून, तिच्या या व्हिडीओची चर्चा सुरू झाली आहे.

मनालीत रमली मंदाकिनी

मंदाकिनीने आपल्या इन्स्टाग्राम अकाउंटवर मनालीमधील सुंदर क्षणांचा व्हिडीओ पोस्ट केला आहे. या व्हिडीओमध्ये ती निळ्या रंगाचा कुर्ता आणि काळ्या रंगाची पँट अशा सिंपल पेहरावात दिसत आहे. हिरव्यागार डोंगररांगा आणि निसर्गाच्या सान्निध्यात फिरताना ती एका मेंढीला हाताने धरून पुढे जाताना दिसते. तिच्या चेहऱ्यावरील हास्य आणि आजूबाजूचं निसर्गरम्य वातावरण लक्ष वेधून घेत आहे.

मनालीतील आठवणींना दिला उजाळा

हा व्हिडीओ शेअर करत मंदाकिनीने मनालीमध्ये घालवलेल्या सुंदर दिवसांची आठवण काढली. बर्फाच्छादित पर्वत, नयनरम्य दृश्यं आणि निसर्गाची शांतता यांचा पुन्हा अनुभव घेण्याची इच्छा तिने व्यक्त केली. काही ठिकाणं केवळ आठवणी देत नाहीत तर आपल्या मनाचा एक भागही आपल्यासोबत जोडून ठेवतात अशा भावनाही तिने व्यक्त केल्या. लवकरच पुन्हा डोंगरांच्या सान्निध्यात परतण्याची इच्छा असल्याचं तिच्या पोस्टमधून दिसून येतं.

‘राम तेरी गंगा मैली’ला पूर्ण झाली 41 वर्षे

मंदाकिनीने 1985 मध्ये प्रदर्शित झालेल्या ‘राम तेरी गंगा मैली’ या चित्रपटातून प्रेक्षकांच्या मनात विशेष स्थान निर्माण केलं. या चित्रपटाला प्रदर्शित होऊन 41 वर्षे पूर्ण झाल्याच्या निमित्ताने तिने आनंद व्यक्त केला होता. इतक्या वर्षांनंतरही चित्रपटाला प्रेक्षकांकडून मिळणारं प्रेम आपल्यासाठी खास असल्याचं तिने म्हटलं होतं. याशिवाय तिने ‘डान्स डान्स’, ‘कमांडो’, ‘जीते हैं शान से’ आणि ‘नाइंसाफी’ यांसारख्या चित्रपटांमध्येही काम केलं आहे.

View this post on Instagram

A post shared by Mandakini (@mandakiniofficial)

सध्या मंदाकिनीने शेअर केलेल्या मनालीतील व्हिडीओमुळे तिच्या चाहत्यांना तिचा निसर्गप्रेमी अंदाज पाहायला मिळत आहे. तिच्या या पोस्टवर चाहत्यांकडून कसा प्रतिसाद मिळतो, याकडे सर्वांचं लक्ष लागलं आहे.