रधणीर कपूर यांनी का घेतला बायको आणि मुलींपासून दूर राहण्याचा निर्णय, पश्चाताप झाल्यानंतर म्हणाले..
Randhir Kapoor Birthday Special: दिग्गज अभिनेते रणधीर कपूर यांना हवी तशी लोकप्रियता मिळाली नाही. पण खासगी आयुष्यात देखील त्यांच्या अनेक अडचणी आल्या... यावर खुद्द रणधीर कपूर यांनी मोठं वक्तव्य केलं होतं.
Randhir Kapoor Birthday Special: बॉलिवूडच्या प्रतिष्ठित कपूर कुटुंबातील सदस्य आणि ज्येष्ठ अभिनेते रणधीर कपूर यांना आज कोणत्या ओळखीची गरज नाही. अभिनेत्री करिश्मा कपूर आणि करीना कपूर यांचे वडील रणधीर यांचा जन्म 15 फेब्रुवारी 1947 रोजी झालेला… आज रणधीर कपूर 79 वा वाढदिवस साजरा करत आहेत… सांगायचं झालं तर, राज कपूर आणि कृष्णा कपूर यांच्या घरात रणधीर यांचा जन्म झाला. वडिलांप्रमाणे रणधीर कपूर यांनी बॉलिवूडमध्ये पदार्पण केलं. पण स्वतःची भक्कम ओळख निर्माण करु शकले नाहीत…
रणधीर कपूर यांनी फक्त सिनेविश्वातच नाही तर, वैवाहिक आयुष्यात देखील यश मिळाल नाही. रणधीर कपूर यांनी अभिनेत्री बबीता यांच्यासोबत लग्न केलं होतं… पण लग्नाच्या काही वर्षांनंतर दोघांमध्ये खटके उडू लागले… अखेर रणधीर आणि बाबीता यांनी विभक्त राहण्याचा निर्णय घेतला. रणधीर आणि बबीता यांनी कधी घटस्फोटाचा निर्णय घेतला नाही. पण कधी एकत्र देखील आले नाहीत. अनेकदा रणधीर यांनी बबीता यांच्यासोबत असलेल्या नात्यावर मोठं वक्तव्य देखील केलं. एवढंच नाही तर, जी काही परिस्थिती निर्माण झाली, त्यासाठी रणधीर यांनी स्वतःला जबाबदार ठरवलं.
रणधीर कपूर आणि बबीता यांनी लव्ह मॅरेज केलं होतं. 1971 मध्ये दोघांचं लग्न मोठ्या थाटात झालं होतं. दोघांच्या लग्नात अनेक सेलिब्रिटींनी देखील हजेरी लावली होती. लग्नानंतर रणधीर आणि बबीता यांनी दोन मुलींचं जगात स्वागत गेलं. 1974 मध्ये करिश्मा कपूर हिचा जन्म झाला. तर 1980 मध्ये करीना हिचा जन्म झाला.
रणधीर यांच्यासोबत संसार करण्यासाठी बबीता यांनी स्वतःच्या करियरचा त्याग केला आणि घरात संपूर्ण वेळ देऊ लागल्या… असं असताना देखील दोघांच्या नात्यात दुरावा आला… 1988 मध्ये वाद टोकाला पोहोचले आणि दोघांनी विभक्त होण्याचा निर्णय घेतला. रणधीर त्यांच्या आई – वडिलांसोबत राहू लागले. तर बबीता मुलींसोबत राहू लागल्या.
एका मुलाखती रणधीर यांनी मोठा खुलासा केलेला. ‘तिला माहिती झालं मी एक वाईट व्यक्ती आहे… जो खूप दारू पितो आणि घरी मध्यरात्री येतो आणि तिला असं आयुष्य नको होतं… आणि मला ती सांगतेय तसं जगायचं नव्हतं… पण आमचं लव्हमॅरेज होतं म्हणून हे ठिक आहे… बबीताने मुलींचा उत्तम सांभाळ केला…’ असं देखील रणधीर कपूर म्हणालेले.
