Saba Ali Khan: मला बेबो आवडते, पण अमृता सिंह… सैफची बहिण हे काय बोलली?

Saba ali khan

बॉलिवूड नवा म्हणून अभिनेता सैफ अली खान ओळखला जातो. तो त्याच्या चित्रपटांसोबतच खासगी आयुष्यामुळे कायम चर्चेत राहिला आहे. सैफने दोन लग्न केली आहेत. पहिले लग्न त्याने अभिनेत्री अमृता सिंहशी केले होते. पण त्यांचा हा संसार फार काळ टिकला नाही. त्यानंतर त्याने अभिनेत्री करीना कपूरशी लग्न केले. आता सैफची बहिण सबा अली खानने दोन्ही वहिनींवर वक्तव्य केले आहे. सबा नेमकं काय म्हणाली वाचा…

सबा अली खानने अलीकडेच अभिनेत्री अमृता सिंहशी असलेल्या संबंधांबाबत खुलासा केला आहे. सबा म्हणाली की, लहान वयात अमृताने तिला खूप प्रेम आणि मार्गदर्शन दिले होते. ती तिच्यासाठी फक्त वहिनी नव्हती, तर एक मोठी बहीण आणि आईसारखी होती. तिच्याशी सबा कोणताही विचार न करता मनातल्या गोष्टी शेअर करू शकत होती. सबाने हेही सांगितले की, सैफ आणि अमृता यांच्या घटस्फोटानंतर जरी त्यांच्या संबंधांत पूर्वीसारखी जवळीक राहिली नसली, तरी तिच्या मनात आजही अमृताबद्दल खूप आदर आणि प्रेम आहे. या संभाषणात सबाने करीना कपूर खानबद्दलही आपले प्रेम व्यक्त केले आणि म्हटले, “मला बेबो खूप आवडते, पण अमृताही माझ्याशी खूप चांगली होती.”

सिद्धार्थ कन्ननला दिलेल्या अलीकडच्या मुलाखतीत सबा अली खानने आपल्या कुटुंबाबद्दल आणि अमृता सिंहसोबत घालवलेल्या जुन्या आठवणींना उजाळा दिला. तिने म्हटले की, जेव्हा सैफ अली खानने १९९१ मध्ये अमृता सिंहशी लग्न केले, तेव्हा ती केवळ १५ वर्षांची होती. अशा वेळी अमृता तिच्या आयुष्याचा महत्त्वाचा भाग बनली होती. सबाच्या मते, अमृता तिला अनेकदा अशा गोष्टी समजावून सांगत असत, ज्या कदाचित तिच्या स्वतःच्या आईने त्या वेळी कडकपणे सांगितल्या होत्या. त्यामुळेच तिला अमृतासोबत खूप छान वाटत होते आणि तिचा सल्ला गंभीरपणे घेत असत.

सैफ अली खानची दोन लग्ने आणि चार मुले

सैफ अली खानच्या वैयक्तिक आयुष्याबद्दल बोलायचे झाल्यास, त्याने १९९१ मध्ये अभिनेत्री अमृता सिंगशी लग्न केले. त्यावेळी सैफ २१ वर्षांचा होता, तर अमृता ३३ वर्षांची होती. त्यांचे लग्न सुमारे १३ वर्षे टिकले आणि २००४ मध्ये ते वेगळे झाले. या लग्नापासून त्यांना सारा अली खान आणि इब्राहिम अली खान ही दोन मुले आहेत. त्यानंतर सैफ अली खानने ऑक्टोबर २०१२ मध्ये अभिनेत्री करीना कपूर खानशी लग्न केले. या लग्नापासून त्यांना तैमूर अली खान आणि जहांगीर अली खान ही दोन मुलगे आहेत. यामुळे सैफ चार मुलांचा बाप झाला आहे.