AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

गुरुवारी रात्री सैफ अली खानच्या घरी नेमकं काय घडलं? पोलिसांनी दिली A टू Z माहिती

सैफ अली खानच्या घरी झालेल्या चाकू हल्ल्याप्रकरणी बांग्लादेशी आरोपी शरीफुल इस्लामला अटक करण्यात आली आहे. पोलिसांनी दिलेल्या माहितीनुसार, चोरीच्या उद्देशाने घरात घुसलेल्या आरोपीने चाकूने हल्ला केला. आरोपीला ५ दिवसांची पोलीस कोठडी सुनावण्यात आली आहे. हा प्रकार १६ जानेवारी २०२५ रोजी पहाटे घडला होता.

गुरुवारी रात्री सैफ अली खानच्या घरी नेमकं काय घडलं? पोलिसांनी दिली A टू Z माहिती
saif ali khan attack case
| Updated on: Jan 19, 2025 | 4:08 PM
Share

Saif Ali Khan Attack : बॉलिवूड अभिनेता सैफ अली खानवर झालेल्या चाकू हल्ल्याप्रकरणी मुख्य आरोपीला अटक करण्यात आली. विजय दास असे या आरोपीचे नाव आहे. काल मध्यरात्री उशिरा ठाण्यातील कासारवडवली भागातून त्याला अटक करण्यात आली आहे. हा आरोपी बांग्लादेशातील असल्याची माहिती पोलीस तपासात समोर आली आहे. वांद्रे पोलीस, मुंबई गुन्हे शाखा आणि ठाणे पोलीस यांच्या संयुक्त कारवाईतून ही कारवाई केली आहे. यानंतर आता त्याला कोर्टात हजर केले असता त्याला न्यायालयाने 5 दिवसांची पोलीस कोठडी सुनावली आहे. आता याबद्दल मुंबई पोलिसांनी एक पत्रक काढलं आहे.

मुंबई पोलिसांनी दिलेल्या माहितीनुसार, सैफ अली खानच्या घरी चोरीच्या उद्देशाने शिरलेल्या एका चोराने चाकू हल्ला केला. याप्रकरणी सैफ अली खानच्या घरी काम करणाऱ्या एलियामा फिलीप (५६) यांनी तक्रार केली होती. एलियामा फिलीप या स्टाफ नर्स म्हणून सैफ अली खानच्या घरी काम करतात. त्यांनी दिलेल्या तक्रारीनुसार, दिनांक १६ जानेवारी २०२५ रोजी पहाटे ०२:०० वाजताच्या सुमारास सैफ अली खान आणि करीना कपूर यांचा लहान मुलगा जहाँगीर (४) आणि आया जुनू (३०) यांच्यासह बेडरुममध्ये झोपल्या होत्या. त्यावेळी एका अनोळखी इसमाने जबरी चोरी करण्याच्या इराद्याने हातात लाकडासारखी सदृश्य वस्तु आणि हेक्सा ब्लेड सारख्या हत्यारासह अनधिकृतरित्या घरातील रूममध्ये प्रवेश केला. यानंतर त्याने माझ्याकडे पैशाची मागणी केली.

यानंतर त्याने हातातल्या हत्यारांसह माझ्यावर, तसेच आया जुनू हिच्यावर आणि तेथे मदतीसाठी आलेल्या सैफ अली खान यांच्यावर वार करून त्यांना गंभीर जखमी केले. याबद्दल एलियामा यांनी तक्रार दाखल करत सविस्तर जबाब वांद्रे पोलीस ठाण्यात नोंदवला. याप्रकरणी गु.र.क्र ८५/२०२५ कलम ३११, ३१२, ३३१(४), ३३१(४), ३३१(६), ३३१(७) भा. न्या. स अन्वये गुन्हा दाखल केला.

मूळ गावी पळून जाण्याच्या तयारीत असताना अटक

यानंतर नमूद गुन्हयाच्या तपासाकरीता विविध तपास पथके तयार करण्यात आली. गुन्हयाचा तांत्रिक तपास करुन गुन्हयातील आरोपी निष्पन्न करण्यात आला. आरोपी हा त्याचे मूळ गावी पळून जाण्याच्या तयारीत असताना त्यास हिरानंदाणी इस्टेट, घोडबंदर रोड, ठाणे येथून ताब्यात घेण्यात आले. त्याची अधिक चौकशी केली असता तो मूळचा बांग्लादेशातील झलोकाठी या ठिकाणी असलेल्या राजाबरीया थाना नॉलसिटी मधील रहिवाशी असल्याचे समोर आले. त्याने हा गुन्हा चोरी करण्याचे उद्देशाने केल्याची माहिती प्राप्त झाली. त्या अनुषंगाने नमुद गुन्हयाच्या कलमात कलम ३ (ए), ६ (ए) भारतात प्रवेशास प्रतिबंध अधिनियम १९४८ सह कलम ३ (१), १४ परकीय नागरीक आदेश १९४६ अन्वये वाढ करण्यात आलेली आहे.

शरीफुल इस्लाम शहजाद मो. रोहिल्ला अमीन फकीर वय ३० वर्षे असे या गुन्ह्यातील आरोपीचे नाव आहे. सदरचा संवेदनशील गुन्हा मुंबई पोलिसांच्या विविध पथकांनी अथक प्रयत्न करुन अहोरात्र मेहनत घेवून उघडकीस आणलेला आहे, असे पोलिसांनी पत्रकात म्हटले आहे.

Follow Us
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा