बॉक्स ऑफिसचा ‘बादशहा’ Pathaan ; 6 दिवसांत इतक्या कोटी रुपयांची कमाई

Pathaan BO Collection Day 5 : अभनेता शाहरुख खान याने आतापर्यंत बॉलिवूडच्या अनेक सिनेमांमध्ये काम केलं. शाहरुखच्या प्रत्येक सिनेमाला प्रेक्षकांनी भरभरुन प्रेम दिलं. पण शाहरुख खान स्टारर पठाण सिनेमाला चाहत्यांनी डोक्यावर घेतलं आहे. बुधवारी प्रदर्शित झालेल्या पठाण सिनेमाने अनेक हीट सिनेमांचे रेकॉर्ड मोडले आहेत. बॉक्स ऑफिसवर पठाण सिनेमा रोज कोट्यवधी रुपयांचा गल्ला गोळा करताना दिसत आहे. मोठ्या पडद्याचा बादशाहा किंग खान याने चार वर्षांनंतर मोठ्या पडद्यावर पदार्पण केलं आणि चाहत्यांना वेड लावलं. सध्या सर्वत्र अभिनेत्याच्या पठाण सिनेमाची चर्चा रंगत आहे.

प्रदर्शनानंतर पाच दिवसांत सिनेमाने जगभरात तब्बल ५५० कोटी रुपयांचा गल्ला जमा केला आहे. सोमवारी देखील पठाण सिनेमा बॉक्स ऑफिसवर मोठी मजल मारु शकला नाही. सोमवारी सिनेमाने फक्त २५ कोटी रुपयांपर्यंत गल्ला गोळा केला. तर आतापर्यंत सिनेमाने भारतात जवळपास ३०० कोटी रुपयांचा गल्ला जमा केला आहे. अशी माहिती ट्रेड विश्लेषक रमेश बाला यांनी ट्विटरच्या माध्यमातून दिली आहे.

तर जगभरात सिनेमाने ६०० कोटी रुपयांचा गल्ला जमा केला आहे. सध्या सर्वत्र पठाण सिनेमाचीच चर्चा आहे. आतापर्यंतच्या इतिहासात कमी कालावधीमध्ये जास्त कमाई करणार पठाण एकमेव सिनेमा ठरला आहे. सहा दिवसांमध्ये पठाण सिनेमाने अनेक विक्रम रचले आहे. पठाण सिनेमाची कामगिरी पाहून बॉलिवूडचे चांगले दिवस आले आहेत, अशी प्रतिक्रिया अनेक सेलिब्रिटींनी केली आहे.

सिनेमात शाहरुख खानसोबत दीपिका पदुकोण आणि जॉन अब्राहम यांनी साकारलेल्या भूमिकांची देखील चर्चा रंगत आहे. पठाण सिनेमात दीपिका जबरदस्त अॅक्शन सीन्स करताना दिसत आहे. शिवाय सलमान खानची एक अप्रतिम कॅमिओ भूमिका चाहत्यांच्या मनात घर करत आहे. म्हणून पुन्हा मोठ्या पडद्यावर शाहरुख आणि सलमान खान यांना पाहणं चाहत्यांसाठी खास आहे.

महत्त्वाचं शाहरुख खान याने मोठ्या पडद्यावर चार वर्षांनंतर पुन्हा पदार्पण केल्यामुळे अभिनेत्याला पाहण्यासाठी अनेक चाहत्यांची उत्सुकता शिगेला पोहोचली होती. अभिनेत्री दीपिका पादुकोण हिने ‘बेशर्म रंग’ गाण्यामध्ये घातलेल्या भगव्या बिकिनीमुळे सिनेमा वादाच्या भोवऱ्यात अडकला होता. पण कोणत्याही वादाचा बॉक्स ऑफिसवर कोणताही परिणाम झाला नाही.