Plane Crash : विमान अपघात… मरता मरता वाचली रश्मिका मंदाना, धक्कादायक सत्य अखेर समोर

फाईल फोटो

Rashmika Mandanna : विमान अपघातात आतापर्यंत अनेकांनी आपलं आयुष्य गमावलं आहे. ज्यामध्ये सेलिब्रिटी देखील होते. आता देखील एक धक्कादायक माहिती समोर येत आहे. प्रसिद्ध आणि लोकप्रिय अभिनेत्री रश्मिका मंदाना (Rashmika Mandanna) हिचं देखील विमान अपघातात निधन झालं असतं. पण अभिनेत्री मरता मरता वाचली आहे… सांगायचं झालं तर, अभिनेत्री श्रद्धा दास (Shraddha Das) हिने घडलेला प्रकार सांगितला आहे. रश्मिका आणि श्रद्धा यांची पहिली ओळख विमानातच झाली होती.

श्रद्धा दासने नुकताच दिलेल्या मुलाखतीत खुलासा केला की, ती आणि रश्मिका मंदाना एकदा मुंबईहून हैदराबादला एकाच विमानाने प्रवास करत होते. त्यावेळी ती रश्मिकाला भेटली नव्हती. श्रद्धा म्हणाली, ‘मी आणि रश्मिका मरता मरता वाचलो आहोत..’ कारण त्यांच्या विमानाचा अपघात होणार होता….
श्रद्धा म्हणाली, ‘रश्मिका आणि मी एकत्र एका विमानाने प्रवास केला होता जिथे आमचा विमान जवळजवळ क्रॅश झाला असता. तिथेच आमची पहिली भेट झाली. रश्मिका एक चांगली व्यक्ती आहे…’ असं देखील अभिनेत्री म्हणाली होती…

मरता मरता वाचली अभिनेत्री…

सांगायचं झालं तर, 2024 मध्ये, रश्मिका मंदानाने श्रद्धासोबतचा एक फोटो शेअर केला आणि त्यांना मृत्यूच्या जवळचा अनुभव आल्याचं उघड केलं. तांत्रिक बिघाड आणि तीव्र टर्बुलेंसमुळे त्यांच्या विमानाचं आपत्कालीन लँडिंग करावं लागलं होतं.

श्रद्धा दास आणि रश्मिका यांच्या कामाबद्दल सांगायचं झालं तर, श्रद्धा दास नुकताच सर्च: द नैना मर्डर केसमध्ये दिसली. रश्मिका शेवटची कुबेरामध्ये दिसली होती आणि लवकरच ती गर्लफ्रेंड सिनेमात दिसणार आहे.

रश्मिका फक्त तिच्या प्रोफेशल आयुष्यामुळे नाही तर, खासगी आयुष्यामुळे देखील कायम चर्चेत असते.. अभिनेत्री लवकरच अभिनेता विजय देवरकोंडा याच्यासोबत लग्न करणार असल्याच्या चर्चांनी जोर धरला आहे… फेब्रुवारी 2026 मध्ये रश्मिका राजस्थान येथे लग्न करणार असल्याची माहिती समोर येत आहे. पण यावर विजय आणि रश्मिका यांनी अधिकृत  वक्तव्य केलेलं नाही…

रश्मिका सोशल मीडियावर देखील कायम सक्रिय असते. सोशल मीडियावर तिच्या  चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी रश्मिकाल कायम स्वतःचे फोटो आणि व्हिडीओ सोशल मीडियावर पोस्ट करत असते.