Sonu Sood: भक्तीमय वातावरणात सोनू सूदच्या गणपतीचं विसर्जन; कुटुंबीयांसह केली पूजा
कोरोना काळात आणि त्यानंतरही अनेकांची मदत करणारा अभिनेता सोनू सूदच्या घरच्या बाप्पाचं विसर्जन करण्यात आलं. गेल्या 20 वर्षांपासून त्याच्या घरी गणपतीचं आगमन होतं.
कोरोना काळात आणि त्यानंतरही अनेकांची मदत करणारा अभिनेता सोनू सूदच्या घरच्या बाप्पाचं विसर्जन करण्यात आलं. गेल्या 20 वर्षांपासून त्याच्या घरी गणपतीचं आगमन होतं.
लॉकडाऊनच्या काळात सोनू सूदने असंख्य गरीब लोकांची, स्थलांतरितांची मदत केली. दरवर्षीप्रमाणे यंदाही त्याच्या घरी गणपती बाप्पाचं आगमन झालं. रविवारी त्याने कुटुंबीयांपासून गणपती विसर्जन केलं.
यावेळी सोनू सूद त्याची पत्नी सोनाली सूद आणि मुलगा इशांत सूदसोबत दिसला. सोनालीने विसर्जनाच्या आधी बाप्पाची आरती केली.
गणपती बाप्पा मोरया.. पुढच्या वर्षी लवकर या.. अशा जयजयकार करत सोनू सूदच्या कुटुंबीयांनी बाप्पाचं विसर्जन केलं. या विसर्जनाचे फोटो सध्या सोशल मीडियावर व्हायरल होत आहेत.
गणपती बाप्पा नेहमीच प्रेरणा देतात आणि मार्गदर्शन करतात, असं त्याने सांगितलं. लोकांच्या मदतीच्या कार्याचं श्रेयसुद्धा सोनू सूदने गणपती बाप्पाला दिलं. बाप्पाने जे माझ्याकडून करून घेतलं, तेच मी केलं, असं तो म्हणाला.
