महानायक, सुपरस्टार रजनीकांत घेणार संन्यास! थलाइवाच्या चाहत्यांच्या मनाची कालवाकालव
महानायक, सुपरस्टार रजनीकांत यांनी अनेक सिनेमांमध्ये दमदार भूमिका साकारत चाहत्यांचं मनोरंजन केलं. आता थलाइवा संन्यास घेणार असल्याच्या चर्चांनी जोर धरला आहे. त्यामुळे चाहत्यांच्या मनाची कालवाकालव झाली आहे.
साउथ सिनेविश्वाला जगभरात नवीन ओळख देणारे दिग्गज आणि लोकप्रिय सुपरस्टार रजनीकांत यांच्या चाहत्यांची संख्या फक्त भारतात नाही तर, सातासमुद्रा पार देखील फार मोठी आहे. गेल्या 5 दशकांपासून रजनीकांत त्यांच्या अभिनयाने चाहत्यांच्या मनावर आणि रुपेरी पडद्यावर राज्य करत आहे. आज देखील त्यांच्या आगामी सिनेमांच्या प्रतीक्षेत चाहते असतात. 2025 मध्ये रजनीकांत ‘कुली’ सिनेमाच्या माध्यमातून चाहत्यांच्या भेटीस आले. सिनेमात त्यांनी साकारलेल्या भूमिकेचं सर्वच स्तरातून कैतुक देखील झालं. एका रजनीकांत त्यांच्या हीट सिनेमाच्या सिक्वलच्या कामात व्यग्र आहेत… लकरच रजनीकांत स्टारर ‘जेलर’ सिनेमा चाहत्यांच्या भेटीस येणार आहे. एवढंच नाही तर, त्यांच्या आगामी सिनेमाच्या अपडेट येण्यास देखील सुरुवात झाली आहे.
मिळालेल्या माहितीनुसार रजनीकांत यांचा रिटायरमेंटचा कोणता विचार नाही आणि त्यांनी अशी कोणती इच्छा देखील व्यक्त केली नाही. पण त्यांच्या शेवटच्या सिनेमाबद्दल अपडेट्स येण्यास सुरुवात झाली आहे. अशी देखील माहिती समोर येत आहे की, रजनीकांत यांच्या शेवटच्या सिनेमाच्या निर्मितीची जबाबदारी त्यांची लेक सौंदर्य हिच्यावर असणार आहे .
रिपोर्टनुसार, रजनीकांत त्यांच्या शेवटच्या सिनेमसाठी लेक सौंदर्या हिच्यासोबत कोलाबोरेट करणार आहेत. शेवटच्या सिनेमासाठी त्यांनी हा मोठा निर्णय घेतला आहे… पण अद्याप हे ठरलेलं नाही की, त्यांचा शेवटचा सिनेमा कोणता असणार आहे. पण शेवटचा सिनेमा लक्षात राहिल असा बनवणार… या तयारीत रजनीकांत आहेत…
रजनीकांत यांच्या कामाबद्दल सांगायचं झालं तर, वयाच्या 75 व्या वर्षी देखील रजनीकांत ऍक्शन करताना दिसतात. 2025 मध्ये त्यांचा ‘कुली’ सिनेमा प्रदर्शित झालेला होता. सिनेमाने बॉक्स ऑफिसवर चांगली कमाई देखील केली. पण परदेशात सिनेमाचा बोलबाला पाहायला मिळाला. सिनेमात नागार्जुन देखील महत्त्वाच्या भूमिकेत होते. तर अभिनेता आमिर खान याने सिनेमात पाहुण्या कलाकाराची भूमिका साकारली होती.
आता रजनीकांत ‘जेलर 2’ सिनेमाच्या माध्यमातून चाहत्यांच्या भेटीस येणार आहेत. सिनेमाचं दिग्दर्शन नेसलन दिलीप कुमार यांनी केलं आहे. एवढंच नाहीतर, रजनीकांत अभिनेता कमल हासन यांच्यासोबत मोठ्या सिनेमाच्या देखील तयारीत आहे. सिनेमाला Thalaivar174xKH238 असं तात्पुरतं शिर्षक देण्यात आलं आहे.
