Sushmita Sen च्या आयुष्यात हृदयविकाराच्या झटक्यामुळे मोठे बदल, मुलींनी घेतला मोठा निर्णय

मुंबई : 11 सप्टेंबर 2023 | अभिनेत्री सुष्मिता सेन (Sushmita Sen) हिने अनेक सिनेमामध्ये महत्त्वाची भूमिका बजावत चाहत्यांच्या मनात राज्य केलं. आज अभिनेत्री बॉलिवूडमध्ये सक्रिय नसली तरी सोशल मीडियावर आणि चाहत्यांमध्ये कायम सक्रिय असते. गेल्या काही दिवसांपासून अभिनेत्री ‘ताली’ या वेब सीरिजमुळे चर्चेत आहे. पण अभिनेत्रीच्या वर्षाच्या सुरुवातीबद्दल सांगायचं झालं तर, २०२३ या वर्षाची सुरुवात अभिनेत्रीसाठी फार भयानक होती. कारण सुष्मिता सेन हिला हृदयविकाराचा झटका आला होता. या गोष्टीची माहिती खुद्द अभिनेत्रीने सोशल मीडियाच्या माध्यमातून चाहत्यांना दिली. आता अभिनेत्रीची प्रकृती स्थिर असून सुष्मिता हिने कामाला देखील सुरुवात केली आहे.

अभिनेत्रीने आता कामाला सुरुवात केली असली तरी, हृदयविकाराच्या झटक्यामुळे सुष्मिता हिच्या दोन्ही मुलींवर मोठा परिणाम झाला होता. आईची प्रकृती खालावल्यामुळे सुष्मिता हिच्या दोन्ही मुलींनी तिची काळजी घेतली. जुने दिवस आठवत अभिनेत्रीने छोट्या मुलीचं कौतुक केलं आहे.

नुकताच झालेल्या मुलाखतीत अभिनेत्रीने मोठा खुलासा केला आहे. सुष्मिता म्हणाली, ‘हृदयविकाराच्या झटक्यामुळे माझ्या दोन्ही मुलींना खूप त्रास झाला. दोघींनी माझी पूर्ण काळजी घेतली. आजही घेत आहेत. विशेषत: लहान मुलगी पूर्ण खचली होती. तिने माझी खूप काळजी घेतली. माझ्या मोठ्या मुलीला तिच्या स्वत:च्या जबाबदाऱ्या मिळाल्या आहेत.’

पुढे अभिनेत्री म्हणाली, ‘माझ्या लहान मुलीने अलार्म लावला आहे. रोज ९ वाजता ती मला औषधं द्यायची. आजही तिने टाईम सेट केला आहे. आजही ती माझी औषधं विसरत नाही. काही काळासाठी ती माझी आई झाली… ती मला नेहमी सांगते की माझ्यासाठी काय चांगलं आहे आणि काय नाही…. सध्या सर्वत्र सुष्मिता हिच्या वक्तव्याची चर्चा आहे.

हृदयविकाराच्या शस्त्रक्रियेनंतर सुष्मिताने काय झालं होतं, ते चाहत्यांना सांगितलं..’मी फार मोठ्या संकटातून बाहेर आली आहे. मला हृदयविकाराचा झटका आला होता. माझ्या हृदयात ९५ टक्के ब्लॉकेज होते. हा माझ्या आयुष्याचा एक टप्पा होता आणि तो आता गेला आहे. माझ्या मनात आता कसलीच भीती नाही..’

सुष्मिता सेन हिचे सिनेमे

सुष्मिता सेन हिच्या सिनेमांबद्दल सांगायचं झालं तर, नुकताच अभिनेत्रीची ‘ताली’ वेब सीरिज ओटीटी प्लॅटफॉर्म प्रदर्शित झाली. आता अभिनेत्री ‘आर्या ३’ सीरिजमध्ये दिसणार आहे. सुष्मिता कायम तिच्या आयुष्यातील महत्त्वाच्या गोष्टींची घोषणा सोशल मीडियाच्या माध्यमातून करत असते. त्यामुळे अभिनेत्री ‘आर्या ३’ सीरिजची घोषणा कधी करणार याकडे चाहत्यांचं लक्ष लागलं आहे.