सुजलेले ओठ, शरीरावर जखमा…, इंटिमेट सीन करताना झालेला त्रास, TMKOC फेम अभिनेत्रीचा मोठा खुलासा

Taarak Mehta Ka Ooltah Chashmah : ‘तारक मेहता का उल्टा चष्मा’ मालिकेमुळे अनेक सेलिब्रिटींना एक नवीन ओळख मिळाली आहे. मालिकेतील अनेक कलाकार आजही प्रेक्षकांचं मनोरंजन करत आहेत. तर काही कलाकारांनी मालिकेत फार छोटी भूमिका साकारली पण आज ते कोणत्या न कोणत्या कारणामुळे चर्चेत असतात. अशात कलाकारांपैकी एक म्हणजे अभिनेत्री नेहल वडोलिया. नेहल हिने मालिकेत, बबीता हिच्या मैत्रिणीची छोटी भूमिका साकारली आहे. आता नेहल हिचं नाव बोल्ड अभिनेत्रींच्या यादीत सामिल आहे.

नेहल फक्त एक ग्लमरस अभिनेत्रीचं नाही तर, एक इंटिमेसी कॉर्डिनेटर देखील आहे. टीव्ही इंडस्ट्रीमध्ये स्वतःची ओळख निर्माण केल्यानंतर नेहल हिने तिचा मोर्चा बोल्ड शोजच्या दिशेने वळवळा आहे. टीव्ही विश्वात स्वतःचं नाव मोठं करण्याची अभिनेत्रीची इच्छा होती. पण ती बोल्ड अभिनेत्री म्हणून प्रसिद्धी झोतात आली.

एका पॉडकास्टमध्ये नेहल हिने इंटिमेट सीन दिल्यानंतर होणाऱ्या त्रासाबद्दल मोठं वक्तव्य केलं आहे. अभिनेत्री म्हणाली, ‘बोल्ड सीन करताना सुरक्षित वाटणं फार करजेचं असतं. म्हूणून बोल्ड सीन मी कायम शेवटी शूट करत. कारण बोल्ड सीननंतर ओठ सुजतात. त्यामुळे डायलॉग असलेले सीन मी कायम पहिल्यांदा करते…’

पुढे अभिनेत्री म्हणाली, ‘मला लोकांना सांगायचं आहे की, इंटिमेट सीन शुट करताना काळजी घ्यावी लागते. सीनमध्ये जे लिहिलं आहे, तेच कारावं लागतं. बोल्ड सीन करताना कोणत्याच भावना निर्माण होत नाहीत. तिकडे फक्त डायरेक्शन दिलं जातं. एकाच टेकमध्ये सीन पूर्ण करण्याचा सर्वांचा प्रयत्न असतो…’

‘बोल्ड सीन केल्यानंतर शारीरावर अनेक जखमा होतात. हे सीन करणं फार कठीण असतात. कलाकार इंटिमेट सीन करताना असहज असतात.’ असं देखील अभिनेत्री नेहल वडोलिया म्हणाली आहे. सध्या सर्वत्र फक्त आणि फक्त नेहल वडोलिया हिची चर्चा रंगली आहे.

‘तारक मेहता का उल्टा चष्मा’ फेम अभिनेत्री नेहल वडोलिया कायम सोशल मीडियावर देखील सक्रिय असते. सोशल मीडियावर अभिनेत्री कायम स्वतःचे ग्लॅमरस आणि क्लासी फोटो पोस्ट करत असते. सोशल मीडियाच्या माध्यमातून अभिनेत्री चाहत्यांच्या संपर्कात राहते. चाहते देखील तिच्या प्रत्येक पोस्ट लाईक्स आणि कमेंंटचा वर्षाव करत असतात.