Tanushree Dutta On Nana Patekar : तनुश्री दत्ता नाना पाटेकरांबद्दल भयंकर बोलली, आतापर्यंतच सर्वात वाईट, धक्कादायक वक्तव्य, थेट त्यांच्या मृत्यूवरच..

दिवंगत अभिनेते नाना पाटेकर यांच्याबद्दल पुन्हा एकदा अभिनेत्री तनुश्री दत्ताने वादग्रस्त वक्तव्य केलं आहे. तिने नानांच्या मृत्यूच्या परिस्थितीवर प्रश्नचिन्ह उपस्थित करताना त्यांनी मृत्यूचा बनाव रचला असावा असं धक्कादायक वक्तव्य केलं आहे. इन्स्टाग्रामच्या लाइव्ह सेशनमध्ये तिने पुन्हा एकदा नानांबद्दल वाट्टेल ती वक्तव्य केली आहेत. “नाना पाटेकरांना अत्यंविधीच्यावेळी जो शासकीय सन्मान देण्यात आला, त्यावर तिने प्रश्नचिन्ह उपस्थित केलय. विविध देशांनी त्यांच्याविरोधात पोलीस कारवाई करावी तसचं नानांच्या लष्करी सेवेवर, शेतकऱ्यांसाठी केलेल्या सामाजिक कार्यावर आरोप केले. नाना पाटेकरांचा मृत्यू बनावट आहे” असं धक्कादायक वक्तव्य तिने केलं. “नानांच्या मृत्यूच्यावेळच्या परिस्थितीवर तिने प्रश्नचिन्ह निर्माण केलं. नाना पाटेकरांचा मृतदेह मी पाहिला नाही. मीडियाने सुद्धा त्यांचा चेहरा दाखवला नाही” असं तनुश्रीने म्हटलय. “नानांच्या अंत्यसंस्कारावेळी बॉलिवूड सेलिब्रिटींना का बोलावलं नाही? त्यावरही तिने प्रश्नचिन्ह उपस्थित केलं. या सगळ्या परिस्थितीची चौकशी करावी” अशी तिने मागणी केली.

“ज्या मृतदेहावर अंत्यसंस्कार करण्यात आले, तो मृतदेह नाना पाटेकरांचा नव्हता ते सिंगापूर किंवा मलेशियामध्ये जिवंत असावेत” असं धक्कादायक वक्तव्य तनुश्री दत्ताने केलं. ‘खरा मृतदेह तिथे नव्हता. खरी बॉडी सिंगापूर, मलेशियामध्ये असावी. जिवंत आहेत ते’ असा दावा तनुश्री दत्ताने केला. “सिंगापूर, मलेशिया आणि यूएई या देशांमधल्या पोलिसांनी हस्तक्षेप करावा. या माणसाला दिसातक्षणी गोळ्या घाला अशी मी सिंगापूर, मलेशियाच्या पोलिसांना विनंती करु शकते का? तो इथे आपल्या मृत्यूचं ढोंग रचून गेलाय. मृत्यूचं बनावट प्रमाणपत्र बनवून गेलाय. याचा अर्थ तो दोषी फरार आहे” अशी धक्कादायक वक्तव्य तनुश्री दत्ताने केली आहेत.

लूकआऊट नोटीस जारी करण्याची विनंती

तनुश्रीने सिंगापूर, मलेशिया, यूएई आणि सूदानमधल्या यंत्रणांना नानांविरोधात लूकआऊट नोटीस जारी करण्याची विनंती केली. “कायदेशीर प्रक्रिया टाळण्यासाठी नानांनी आपल्या मृत्यूचा बनाव रचला. डीएनए चाचणी करावी” अशा विचित्र मागण्या तनुश्री दत्ताने केल्या आहेत. नाना पाटेकर यांचं निधन झाल्यापासून तनुश्री त्यांच्याबद्दल वादग्रस्त वक्तव्य करत सुटली आहे. 8 ऑक्टोंबरला नाना पाटेकरांचं ह्दयविकारच्या तीव्र झटक्याने गोवा येथील राहत्या घरी निधन झालं. पुण्यात डोनजे येथे नानाची वाडी या गावात नाना पाटेकरांवर अंत्यसंस्कार करण्यात आले.

View this post on Instagram

A post shared by Tanushree Dutta Miss India Universe (@iamtanushreeduttaofficial)

नाना पाटेकरांच्या लष्करी सेवेबद्दल वादग्रस्त वक्तव्य

नाना पाटेकर लष्करात होते यावर तनुश्री दत्ता संशय आहे. तिने कागदोपत्री पुरावे मागितलेत. “ते जर लष्करात असतील, तर त्यांच्याकडे सॅलरी स्लीप असेल ती दाखवा” असं तनुश्रीने म्हटलंय. नाना पाटेकर यांचं अकाली निधन हे सिनेसृष्टीचं मोठं नुकसान आहे.