Taylor Swift : अमेरिकन पॉपस्टार टेलर स्विफ्टला दादासाहेब फाळके पुरस्कार, ‘इंटरनॅशनल आर्टिस्ट ऑफ द इयर’ने सन्मान

Taylor Swift News : अमेरिकन पॉप गायिका टेलर स्विफ्टचा भारतातर्फे विशेष सन्मान करण्यात आला आहे. दादासाहेब फाळके इंटरनॅशनल फिल्म फेस्टिव्हल अवॉर्ड्स 2026 मध्ये तिला 'इंटरनॅशनल आर्टिस्ट ऑफ द इयर' पुरस्कार जाहीर झाला आहे.

Taylor Swift : अमेरिकन पॉपस्टार टेलर स्विफ्टला दादासाहेब फाळके पुरस्कार, ‘इंटरनॅशनल आर्टिस्ट ऑफ द इयर’ने सन्मान
taylor swift international artist of the year
Image Credit source: Social Media
| Updated on: Nov 20, 2026 | 11:39 PM

अमेरिकन पॉपस्टार टेलर स्विफ्टच्या नावाची सध्या भारतीय मनोरंजनविश्वात चर्चा सुरू झाली आहे. दादासाहेब फाळके इंटरनॅशनल फिल्म फेस्टिव्हल अवॉर्ड्स 2026 मध्ये तिला ‘इंटरनॅशनल आर्टिस्ट ऑफ द इयर’ पुरस्कार जाहीर झाला आहे. आयोजकांनी शुक्रवारी सोशल मीडियावरून ही घोषणा केली. टेलर स्विफ्टच्या संगीत क्षेत्रातील योगदानाची आणि जगभरातील लोकप्रियतेची दखल घेत तिला हा सन्मान देण्यात आला आहे. मात्र, या घोषणेपेक्षा भारतीय चाहत्यांच्या प्रतिक्रियांनी अधिक लक्ष वेधून घेतलं आहे.

पुरस्काराची बातमी पाहून चाहत्यांनी पुन्हा तपासली घोषणा

आयोजकांनी टेलर स्विफ्टच्या नावाची घोषणा करताना तिच्या संगीतनिर्मिती, गीतलेखन आणि लाइव्ह परफॉर्मन्सचा उल्लेख केला. तिच्या कामाचा जागतिक संगीतविश्वावर मोठा प्रभाव राहिला आहे. त्यामुळे या योगदानासाठी तिला गौरवण्यात येणार असल्याचं आयोजकांनी स्पष्ट केलं.

Loading...

मात्र, भारतीय चाहत्यांना या घोषणेचं आश्चर्य वाटलं. काही चाहत्यांनी तर ही बातमी खरी आहे का, याची खात्री करण्यासाठी अधिकृत घोषणा पुन्हा तपासल्याचं सोशल मीडियावर म्हटलं आहे. टेलर स्विफ्ट भारतात आली तर तिचा कार्यक्रम कसा असेल, याबाबतही चाहत्यांनी उत्सुकता व्यक्त केली. काहींनी तर तिने बॉलिवूडमधील गाण्यांवर परफॉर्म करावा, अशी कल्पनाही मांडली.

 

 

दादासाहेब फाळके पुरस्कार आणि या पुरस्कारात फरक काय?

टेलर स्विफ्टला जाहीर झालेल्या पुरस्काराबाबत एक गोष्ट लक्षात घेणं महत्त्वाचं आहे. हा दादासाहेब फाळके इंटरनॅशनल फिल्म फेस्टिव्हल अवॉर्ड आहे. भारत सरकारकडून दिल्या जाणाऱ्या दादासाहेब फाळके पुरस्काराशी त्याचा संबंध नाही. या दोन्ही पुरस्कारांची नावे साधर्म्य असली, तरी ते वेगवेगळे आहेत.

यंदाच्या आंतरराष्ट्रीय पुरस्कारांच्या यादीत अभिनेता मायकेल बी. जॉर्डन, दिग्दर्शक पॉल थॉमस अँडरसन, अभिनेता जेसी आणि दिग्दर्शक जेम्स यांच्याही नावांचा समावेश असल्याचं सांगण्यात आलं आहे.

टेलर स्विफ्ट भारतात येणार का?

पुरस्काराने सन्मानित केल्यानंतर टेलर स्विफ्ट भारतात येणार का, हा प्रश्न तिच्या चाहत्यांसाठी महत्त्वाचा आहे. मात्र, ती पुरस्कार स्वीकारायला मुंबईत येणार आहे किंवा तिचा भारत दौरा नियोजित आहे का, याबद्दल कोणतीही अधिकृत माहिती अद्याप समोर आलेली नाही.

Loading...
Unable to load recommendations.
Follow Us