Man Udu Udu Zhala: दिपूला मिळवण्यासाठी इंद्रा देणार अग्निपरीक्षा!
रविवारी प्रसारित होणाऱ्या एक तासाच्या विशेष भागामध्ये प्रेक्षक पाहू शकतील की दिपूची प्रकृती खूप खालावणार आहे. डॉक्टर देशपांडे कुटुंबियांना दिपूला काहीही होऊ शकतं असं म्हणतात.
झी मराठी वाहिनीवरील ‘मन उडू उडू झालं’ (Man Udu Udu Zhala) या मालिकेने लोकप्रियतेचं शिखर गाठलं आहे. इंद्रा (Ajinkya Raut) आणि दिपूची (Hruta Durgule) जोडी प्रेक्षकांची आवडती आहे. सध्या प्रेक्षकांनी मालिकेत पाहिलं की दिपू अपघातानंतर हॉस्पिटलमध्ये दाखल आहे. तिच्या प्रकृतीमध्ये काही सुधार नाही झाला आहे. तिच्या या अवस्थेमुळे देशपांडे कुटुंबीय आणि इंद्रा खूप जास्त टेन्शनमध्ये आहेत. रविवारी प्रसारित होणाऱ्या एक तासाच्या विशेष भागामध्ये प्रेक्षक पाहू शकतील की दिपूची प्रकृती खूप खालावणार आहे. डॉक्टर देशपांडे कुटुंबियांना दिपूला काहीही होऊ शकतं असं म्हणतात. हे ऐकून इंद्राच्या पायाखालची जमीन सरकते आणि दिपूला सुखरूप परत मिळवण्यासाठी इंद्रा अग्निपरीक्षा द्यायचं ठरवतो.
या अग्निपरीक्षेत त्याच्या मार्गात खूप अडथळे येतात. इंद्रा अडथळ्यांवर मात करू शकेल, इंद्राच्या अग्निपरीक्षेमुळे दिपूचे प्राण वाचणार का, हे प्रेक्षकांना मालिकेच्या आगामी भागात पाहायला मिळेल. 5 जून रविवार 7 वाजता झी मराठी वाहिनीवर हा एपिसोड पहायला मिळेल. यामध्ये अभिनेत्री हृता दुर्गुळे आणि अजिंक्य राऊत यांच्या मुख्य भूमिका आहेत.
पहा मालिकेचा प्रोमो-
हृता मालिका सोडणार नाही
मालिकेच्या निर्मात्यांशी हृताचे काही वाद झाले आणि त्यामुळेच ती मालिका सोडणार असल्याचं म्हटलं जात होतं. मात्र खुद्द हृताने या चर्चांवर उत्तर दिलं आहे. ही मालिका सोडणार नसल्याचं तिने स्पष्ट केलं आहे. “मी जेव्हापासून मालिकेत काम करायला सुरुवात केली, तेव्हापासूनच या चर्चांना उधाण आलंय आणि यामागचं कारण मला अजूनपर्यंत कळालेलं नाही. पण असं काहीच नाहीये. मी माझ्या लग्नासाठी अधिकृतरित्या रजा घेतली होती”, असं ती म्हणाली. हृताने नुकतीच दिग्दर्शक प्रतीक शाहशी लग्नगाठ बांधली. लग्नाच्या 15 दिवसांच्या सुट्ट्यांनंतर तिने पुन्हा शूटिंगला सुरुवात केली आहे.
