ही अभिनेत्री कधीकाळी हॉटेलमध्ये करत होती काम, आज ठरली सर्वात जास्त मानधन घेणारी अभिनेत्री, एका एपिसोडची फी पाहून…

मनोरंजनसृष्टीत अनेक कलाकारांचे आयुष्य बदलले असले तरी या चमकदार दुनियेच्या मागे मोठा संघर्ष दडलेला असतो. अशाच एका अभिनेत्रीची प्रेरणादायी कहाणी सध्या चर्चेत आहे. आपण ज्यांच्याबद्दल बोलत आहोत ती अभिनेत्री म्हणजे लोकप्रिय टीव्ही मालिका अनुपमा मधील मुख्य अभिनेत्री रुपाली गांगुली.

रुपाली गांगुली ही दिग्दर्शक अनिल गांगुली यांची मुलगी आहेत. तिने आपल्या करिअरच्या सुरुवातीच्या काळात खूप कठीण परिस्थितीचा सामना केला. एका मुलाखतीत रुपालीने सांगितले की, तिच्या वडिलांचे दोन चित्रपट फ्लॉप झाल्यानंतर कुटुंबाची आर्थिक स्थिती खूपच बिकट झाली होती. त्या काळात घर चालवण्यासाठी रुपालीला हॉटेलमध्ये काम करावे लागले, कधी बुटीकमध्ये काम केले तर कधी केटरिंगसारखी कामेही केली.

नंतर तिने पृथ्वी थिएटर येथे काम करण्यास सुरुवात केली. तिथे तिने दिनेश ठाकुर यांच्या ‘आत्मकथा’ या नाटकात भूमिका साकारली. या पहिल्या नाटकासाठी तिला फक्त 50 रुपये मानधन मिळाले होते.

सर्वाधिक मानधन घेणाऱ्या अभिनेत्रींपैकी एक

चित्रपटांमध्ये काम केल्यानंतर रुपालीने टीव्हीकडे वळण्याचा निर्णय घेतला. साराभाई वर्सेस साराभाई या मालिकेत ‘मोनिशा’ची भूमिका साकारत तिने प्रचंड लोकप्रियता मिळवली. मात्र त्यानंतर काही काळ तिला मोठे प्रोजेक्ट्स मिळाले नाहीत.

यानंतर 2020 साली राजन शाही यांच्या अनुपमा या मालिकेने तिच्या करिअरला नवे वळण दिले. मध्यमवर्गीय स्त्रीची भूमिका साकारणाऱ्या ‘अनुपमा’मुळे रुपाली घराघरात पोहोचल्या. गेल्या सहा वर्षांपासून ही मालिका टीआरपीमध्ये अव्वल स्थानावर आहे आणि त्यामुळे रुपाली गांगुली आज टीव्ही इंडस्ट्रीतील सर्वाधिक मानधन घेणाऱ्या अभिनेत्रींपैकी एक बनली आहे.

टीआरपीनंतप मानधनात वाढ

अहवालानुसार, रुपाली गांगुली सध्या एका एपिसोडसाठी सुमारे 3 ते 3.5 लाख रुपये मानधन घेते. मालिकेच्या सुरुवातीला तिला प्रति एपिसोड सुमारे 1.5 लाख रुपये मिळत होते. मात्र मालिकेच्या वाढत्या लोकप्रियतेमुळे आणि सातत्याने उच्च टीआरपीमुळे तिच्या मानधनात मोठी वाढ करण्यात आली. दरम्यान, संघर्षातून यशाच्या शिखरापर्यंत पोहोचलेली रुपाली गांगुलीची ही कहाणी अनेकांसाठी प्रेरणादायी ठरत आहे.