मुंबई- अभिनेत्री उर्वशी रौतेला (Urvashi Rautela) नेहमीच तिच्या खासगी आयुष्यामुळे चर्चेत असते. गेल्या काही काळापासून उर्वशीचं नाव टीम इंडियाचा क्रिकेटर ऋषभ पंतशी (Rishabh Pant) जोडलं जात होतं. या दोघांमध्ये सोशल मीडियावर वादसुद्धा झाले. तेव्हापासून उर्वशी अनेकदा ऋषभला अप्रत्यक्षपणे टोमणे मारताना दिसते. उर्वशीने एका जुन्या मुलाखतीत RP या नावाचा उल्लेख केला होता. RP नावाचा तिला भेटण्यासाठी हॉटेलच्या लॉबीमध्ये तासनतास थांबला होता, असं ती म्हणाली होती. हा RP म्हणजेच ऋषभ पंत असावा, असा अंदाज नेटकऱ्यांनी वर्तवला होता. मात्र आता अखेर उर्वशीने RP सोबतचा फोटो सोशल मीडियावर पोस्ट केला आहे.
उर्वशीने पोस्ट केलेल्या फोटोमध्ये दिसणारा RP हा ऋषभ पंत नाही तर दाक्षिणात्य अभिनेता आहे. साऊथ अॅक्टर राम पोथीनेनीसोबत तिने हा खास फोटो पोस्ट केला आहे. त्यामुळे हाच उर्वशीच्या आयुष्यातील RP आहे का, असा प्रश्न नेटकऱ्यांना पडला आहे. तर काहींनी या फोटोचं कनेक्शन भाऊबीजशीही जोडलंय.
उर्वशीने काही तासांपूर्वीच इन्स्टाग्राम अकाऊंटवर हा फोटो पोस्ट केला आहे. यामध्ये तिने अभिनेत्याला टॅग केलं आहे. त्यावर नेटकऱ्यांनी लाईक्स आणि कमेंट्सचा वर्षाव केला आहे. ‘अच्छा.. तर हा आहे RP?’ असं एकाने लिहिलं. तर ‘ऋषभ भाऊ तू पाहतोय का’, अशा शब्दांत दुसऱ्याने मस्करी केली.
राम पोथीनेनी हा तेलुगू चित्रपटातील अभिनेता आहे. त्याने देवदासू या चित्रपटातून करिअरची सुरुवात केली. याशिवाय त्याने रेडी, वुन्नदी वोकटे जिंदगी, हॅलो गुरु प्रेमा कोसमे, कंदीरिगा यांसारख्या चित्रपटांमध्ये भूमिका साकारल्या आहेत.