बॉलिवूडच्या ज्येष्ठ अभिनेत्याचे 86 व्या वर्षी निधन, 4 दशकांपेक्षा जास्त कारकीर्द

बॉलिवूडमधून अत्यंत दु:खद बातमी समोर आली आहे. अनेक चित्रपट आणि टीव्ही शोमध्ये काम केलेले ज्येष्ठ अभिनेते भरत कपूर यांचे निधन झाले आहे. त्यांनी वयाच्या 86 व्या वर्षी त्यांच्या घरी अखेरचा श्वास घेतला. सोमवारी वयोमानाशी संबंधित समस्यांमुळे त्यांचे निधन झाले. अभिनेते अवतार गिल यांनी भरत कपूर यांच्या निधनाच्या वृत्ताला दुजोरा दिला. भरत कपूर यांच्या पश्चात पत्नी आणि तीन मुले असा परिवार आहे.

अभिनेते अवतार गिल यांनी सांगितले की, भरत कपूर यांच्या मुलाचा मला फोन आला होता. त्याने सांगितले की भरत गेल्या तीन दिवसांपासून अस्वस्थ होते आणि घरीच होते. त्याआधी त्यांना रुग्णालयात दाखल करण्यात आले होते. निधनानंतर आज सायन रुग्णालयाजवळील स्मशानभूमीत त्यांच्यावर अंत्यसंस्कार करण्यात आले. आता 30 एप्रिल रोजी सायन रुग्णालयाजवळील भाऊ दाजी मार्गावरील नॉर्थ बॉम्बे असोसिएशन (पंजाब असोसिएशन) येथे त्यांच्या चौथ्याची विधी पार पडणार आहे. भरत यांच्या अंत्यसंस्काराला राकेश बेदी, दिग्दर्शक रमेश कुमार, अभिनेते कुलदीप सिंग, तसेच IPTA थिएटर ग्रुपचे सदस्य उपस्थित होते.भरत कपूर कोण आहेत?

भरत कपूर यांची कारकीर्द

भरत कपूर हे बॉलिवूडमधील एक सुप्रसिद्ध चेहरा होते. 1970 च्या दशकाच्या सुरुवातीपासून चार दशकांहून अधिक काळ त्यांनी अनेक चित्रपटांमध्ये त्यांनी काम केले. या काळात त्यांनी विविध प्रकारच्या भूमिका साकारल्या. 1980 च्या दशकात आणि 1990 च्या दशकाच्या सुरुवातीला ते कारकीर्दीत अव्वल स्थानी होते. या काळात त्यांनी आपल्या अभिनयाने प्रेक्षकांवर एक कायमस्वरूपी छाप सोडली. ते बहुतेकदा सहाय्यक आणि खलनायकी भूमिका साकारल्या.

भरत कपूर यांच्या प्रसिद्ध चित्रपटांमध्ये नूरी (1979), राम बलराम (1980), लव्ह स्टोरी (1981), बाजार (1982), गुलाम (1985), आखरी रास्ता (1986), सत्यमेव जयते (1987), स्वर्ग (1990), खुदा गवाह (199), बरसाह (1981), 1990 (1990), (1995), साजन चले ससुराल (1996), आणि मीनाक्षी: ए टेल ऑफ थ्री सिटीज (2004) यांचा समावेश आहे. तसेच त्यांनी कॅम्पस, परंपरा, राहत, सांस, अमानत, भाग्यविधाता, तारा, चुनौती आणि कहानी चंद्रकांता की सारख्या टाव्ही सीरियल्स आणि शोमध्ये देखील काम केले.