मी तिला किस…; जीनत अमानसोबत रोमांस करण्यास नकार, पण या अभिनेत्रीसाठी मोडल्या इंटिमेसीच्या मर्यादा

बॉलिवूड अभिनेता भारत कुमार म्हणून ओळखले जाणारे मनोज कुमार आता या जगात नाहीत. पण त्यांच्या अनेक देशभक्तीपर चित्रपटांनी कायमस्वरूपी अमरत्व मिळवले आहे. त्यांनी सामाजिक चित्रपटांद्वारे खूप नाव कमावले. पण एकदा ते पडद्यावर रोमांस करतानाही दिसले. एकदाच, कारण मनोज कुमार यांची अशी धोरणात्मक पॉलिसी होती की ते कोणत्याही अभिनेत्रीला किस करणार नाहीत. मात्र, एका अभिनेत्रीसाठी त्यांनी स्वतःच बनवलेला हा नियम मोडला. चला, जाणून घेऊया कोण आहे ही अभिनेत्री कोण आहे.

होय, मनोज कुमार यांना पडद्यावर अभिनेत्रीला मिठी मारणे, किस करणे, स्पर्श करणे किंवा हळुवारपणे हात फिरवणे अजिबात आवडत नव्हते. ते अशा प्रकारच्या रोमांसपासून दूर राहत. त्यांनी नेहमीच आपली भारतीय नायकाची प्रतिमा कायम ठेवली आणि कामाबाबत ते खूप कठोर होते. म्हणूनच त्यांनी स्वतःसाठी ‘नो इंटिमेसी’ नियम बनवला होता.
वाचा: ‘तुला ब्लाउज काढावं लागेल’, बिग बींच्या सिनेमाच्या दिग्दर्शकाने माधुरीकडे मागणी करताच…

मनोज कुमार यांनी हेमा मालिनी यांच्यासोबतही अनेक चित्रपटांमध्ये काम केले. त्यामध्ये ‘संन्यासी’, ‘दस नंबरी’ आणि ‘क्रांति’ या चित्रपटांचा समावेश आहे. एकदा ड्रीमगर्ल हेमा मालिनी यांनीही मनोज कुमार यांच्या काम करण्याच्या पद्धतीवर बोलताना सांगितले होते की, मनोज कुमार रोमँटिक दृश्यांमध्ये कोणत्याही अभिनेत्रीला स्पर्श करत नव्हते. ते खूप गोड आणि प्रेमळ व्यक्ती होते, ज्यांनी सर्वांना प्रेरणा दिली आहे.

राज कपूर यांच्यासाठी मनोज कुमार यांनी मोडला नियम

पण रंजक किस्सा असा आहे की, मनोज कुमार यांनी ही पॉलिसी एका अभिनेत्रीसाठी मोडली. ती अभिनेत्री होती सिंमी ग्रेवाल. मनोज कुमार यांनी हा नियम राज कपूर यांच्यासाठी मोडला होता. मेरा नाम जोकर चित्रपटात मनोज कुमार आणि सिंमी ग्रेवाल यांचे एक छोटेसे किसिंग सीन होते. यामध्ये ते पहिल्यांदाच कोणत्याही अभिनेत्रीला किस करताना दिसले. यामुळे सर्वजण थक्क झाले होते.

जीनत अमानसोबत रोमँटिक सीन देण्यास नकार

मनोज कुमार यांनी सिंमी ग्रेवाल यांना का किस केले याबद्दलही त्यांनी स्पष्टीकरण दिले होते. ते म्हणाले की, ते राज कपूर यांचा खूप आदर करतात. त्यांचे दोघांचे खूप चांगले नाते होते. ते राज कपूर यांना कधीच नकार देऊ शकत नव्हते. नाहीतर त्यांनी रोटी कपडा मकान चित्रपटात जीनत अमान यांच्यासोबत एक रोमँटिक सीनला नाकारला दिला होता. असे म्हणतात की, मनोज कुमार आपल्या चाहत्यांमधील आपली प्रतिमा बदलू इच्छित नव्हते.

सिंमी ग्रेवाल यांच्यासोबत का दिला किसिंग सीन?

सुभाष के. झा यांच्याशी एकदा बोलताना याबाबत मनोज कुमार यांनी सांगितले, “रोटी कपडा मकानमध्ये एक मुलगी (जीनत अमान) पावसात नाचत होती. मला त्या पावसाच्या सीनमध्ये सहभागी होण्यास सांगितले गेले. तेव्हा मी समजावून सांगितले की, मी असे सीन कसे करू शकतो? माझा तो माणूस नोकरीच्या मुलाखतीसाठी जात आहे. मी फक्त एकदाच माझा नो-इंटिमेसी नियम मोडला आहे, तोही राज कपूर यांच्यासाठी. मेरा नाम जोकरमध्ये मी सिंमी ग्रेवाल यांच्यासोबत किस केले होते. मी राज कपूर यांना नकार देऊ शकत नव्हतो.”