Armaan Malik | ‘एकाच घरात दोन पत्नींसोबत राहणं सोपं नाही भावा’; प्रसिद्ध युट्यूबरच्या पत्नींमध्ये कडाक्याचं भांडण
युट्यूबर अरमान मलिकच्या दोन्ही पत्नी पायक मलिक आणि कृतिका मलिक यांच्या भांडणाचा व्हिडीओ सोशल मीडियावर तुफान चर्चेत आला आहेत. त्यावरून नेटकऱ्यांनी विविध प्रतिक्रिया दिल्या आहेत. पायल आणि कृतिका एकाच घरात राहतात.
हैदराबाद : युट्यूबर अरमान मलिक नेहमीच त्याच्या दोन्ही पत्नींसोबतचे नवनवीन व्हिडीओ सोशल मीडियावर शेअर करत असतो. युट्यूबपासून इन्स्टाग्रामपर्यंत मलिक कुटुंबीय त्यांचे व्हिडीओ पोस्ट करत असतात. पायल आणि कृतिका या अरमानच्या दोन पत्नी असून या दोघी एकत्र एकाच घरात राहतात. या दोघी एकत्रच गरोदर झाल्या होत्या आणि काही दिवसांपूर्वीच त्यांनी बाळाला जन्म दिला. त्यानंतर आता पुन्हा एकदा पायल आणि कृतिका एकमेकींसोबत भांडताना दिसत आहेत. हा व्हिडीओ पायलने तिच्या इन्स्टाग्राम अकाऊंटवर पोस्ट केला आहे.
यामध्ये कृतिका आरशात पाहून लिपस्टिक लावत असते. तेव्हाच पायल तिथे येऊन तिला धक्का मारते. धक्का लागल्याने कृतिकाच्या चेहऱ्यावर इथे-तिथे लिपस्टिक लागते. मेकअप खराब झाल्याने ती खूप चिडते आणि तितक्यात पायल तिथून पळ काढते. कृतिका तिचा पाठलाग करत असते. या व्हिडीओत पायल तिच्या बाल्कनीपर्यंत जाते आणि तिथून अचानक गायब होते. जेव्हा कृतिका बाल्कनीजवळ पोहोचते, तेव्हा तिला पायल दिसत नाही. अरमान मलिकसोबतच पायल आणि कृतिकालाही अनेकदा ट्रोलिंगचा सामना करावा लागतो. अरमान त्याच्या दोन्ही पत्नींसोबत एकाच घरात कसा राहू शकतो, असा सवाल अनेकदा नेटकरी विचारतात.
View this post on Instagram
कोण आहे अरमान मलिक?
अरमान हा हैदराबादमधील प्रसिद्ध युट्यूबर आहे. सोशल मीडियावर त्याचे पंधरा लाखांहून अधिक फॉलोअर्स आहेत. विविध फोटो आणि व्हिडीओ पोस्ट करत तो नेटकऱ्यांचं मनोरंजन करतो. 2011 मध्ये त्याने पायलशी लग्न केलं. या दोघांना चिरायू हा मुलगा आहे. त्यानंतर 2018 मध्ये त्याने कृतिकाशी लग्न केलं. कृतिका ही पायलची खास मैत्रीण असल्याचंही म्हटलं जातं. दुसरं लग्न झाल्यानंतरही हे चौघं एकाच घरात एकत्र राहत आहेत. पायल आणि कृतिका यांचे अनेकदा एकत्र फोटो पहायला मिळतात.
