मुंबईत व्हेकेशनसाठी आली होती युवराज सिंगची पत्नी; रोज डॉनवरून अशी बनली हेजल किच
2005 मध्ये हेजल सुट्ट्यांचा आनंद घेण्यासाठी मुंबईत आली होती. तेव्हा तिला मॉडेलिंगचे ऑफर्स मिळू लागले आणि ती इथेच स्थायिक झाली.
क्रिकेटर युवराज सिंगची पत्नी आणि अभिनेत्री हेजल किचचा आज (मंगळवार) वाढदिवस आहे. हेजल किच जेव्हा मॉडेलिंग करत होती तेव्हा तिचं नवा रोज डॉन असं होतं. लग्नानंतर तिने तिचं नाव गुरबसंत कौर असं बदललं. हेजल ही ब्रिटीश अभिनेत्री आणि मॉडेल आहे. तिने बॉलिवूड चित्रपट आणि टीव्ही शोजमध्येही काम केलंय.
हेजलचा जन्म 28 फेब्रुवारी 1987 रोजी इंग्लंडमध्ये झाला. तिचं शिक्षण लंडनमध्येच पूर्ण झालं. तिथेच तिने स्टेज शोमध्ये परफॉर्म करण्यास सुरुवात केली. लंडनमध्ये असताना ती शास्त्रीय, ब्रिटिश आणि वेस्टर्न कंटेम्पररी डान्ससुद्धा शिकली. हेजलने 'हॅरी पॉटर' या लोकप्रिय चित्रपटाच्या काही भागांमध्येही काम केलंय.
2005 मध्ये हेजल सुट्ट्यांचा आनंद घेण्यासाठी मुंबईत आली होती. तेव्हा तिला मॉडेलिंगचे ऑफर्स मिळू लागले आणि ती इथेच स्थायिक झाली.
हेजलने बऱ्याच चित्रपटांमध्ये काम केलंय. मात्र सलमान खानच्या बॉडीगार्ड चित्रपटातील भूमिकेमुळे तिला ओळख मिळाली. त्यानंतर 2013 मध्ये ती बिग बॉसच्या सातव्या सिझनमध्ये झळकली.
हेजलने 2016 मध्ये युवराज सिंगशी लग्न केलं. एका मुलाखतीत तिने खुलासा केला होता की ती जेव्हा भारतात आली. तेव्हा तिने नैराश्याचा सामना केला होता. अनेकदा तिच्या मनात आत्महत्येचाही विचार आला होता.