AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

आता डीजेला हेच वाजणार.. गुलिगत सूरज चव्हाणचा ‘झापुक झुपूक’ गाण्यावर भन्नाट डान्स

'बिग बॉस मराठी 5'चा विजेता सूरज चव्हाण लवकरच एका मराठी चित्रपटातून प्रेक्षकांच्या भेटीला येणार आहे. त्याच्या या चित्रपटातील शीर्षक गीत नुकतंच प्रदर्शित झालं आहे. त्यावर नेटकऱ्यांकडून लाइक्स आणि कमेंट्सचा वर्षाव होत आहे.

आता डीजेला हेच वाजणार.. गुलिगत सूरज चव्हाणचा 'झापुक झुपूक' गाण्यावर भन्नाट डान्स
Suraj ChavanImage Credit source: Instagram
| Updated on: Apr 04, 2025 | 12:16 PM
Share

जिओ स्टुडिओज आणि केदार शिंदे यांच्या ‘झापुक झुपूक’ या चित्रपटाचा टीझर नुकताच प्रदर्शित झाला आहे. ‘बिग बॉस मराठी सिझन 5’चा विजेता सूरज चव्हाण या चित्रपटाच्या माध्यमातून मराठी सिनेसृष्टीत पदार्पण करतोय. या टीझरला प्रेक्षकांकडून चांगला प्रतिसाद मिळाला आणि आता ‘झापुक झुपूक’ या चित्रपटाचं पहिलं गाणं प्रदर्शित झालंय. ज्याला यावर्षीचं पार्टी साँग असंही म्हणता येईल. या गाण्याचा संगीतकार मराठी रॅप आणि हिप-हॉप संगीत बनवणारा मराठमोळा कृणाल घोरपडे ऊर्फ क्रेटेक्स आहे. ‘तांबडी चामडी’ या रॅप साँगच्या तुफान यशानंतर क्रेटेक्स आणखी एक ग्रूव्ही ट्रॅक घेऊन आला आहे. जो पुन्हा एकदा गाण्याच्या तालावर थिरकायला भाग पाडणार आहे. ‘पट्या द डॉक’ने (Patya the Doc) हे गाणं गायलं आहे. तर गीतकार प्रतीक संजय बोरकर आहेत.

या गाण्याविषयी कृणाल विजय घोरपडे (डीजे क्रेटेक्स) आपला आनंद व्यक्त करत म्हणाला, “तांबडी चांबडी गाण्याप्रमाणे, मला खात्री आहे की प्रेक्षकांना माझं हे ‘झापूक झुपूक’ गाणंसुद्धा नक्की आवडेल. माझं काम अधिकाधिक प्रेक्षकांपर्यंत पोहोचवण्याची संधी दिल्याबद्दल मी जिओ स्टुडिओज आणि केदार शिंदे यांचा खूप आभारी आहे. ‘झापूक झुपूक’ चित्रपटाच्या या शीर्षक गाण्यात मराठी तडका तर आहेच. पण एक जल्लोष आणि उत्साह आहे जो तरुणांना आणि श्रोत्यांना गाण्याच्या तालावर थिरकायला नक्कीच भाग पाडेल. सामाजिक इव्हेंट्स, क्लब्स आणि पार्ट्यांमध्ये ‘तांबडी चांबडी’प्रमाणेच ‘झापूक झुपूक’ हे गाणंही वाजत या वर्षीचं मराठीतील ‘पार्टी साँग ऑफ द इयर’ ठरण्याची अपेक्षा नाकारता येत नाही. कारण “आता वाजतोय मराठी, गाजतय मराठी, पेटलाय मराठीचा डंका!”

आकर्षक हुक स्टेप, उत्साही संगीत, कमालीची ऊर्जा आणि उत्तम चित्रीकरणामुळे हे गाणं आणखी रंजक ठरलंय, जे नेहमीच चाहत्यांना लक्षात राहील. याअगोदर सुद्धा निर्माते केदार शिंदे यांना आपल्या चित्रपटातील सुपरहिट गाण्यांसाठी प्रेक्षकांकडून नेहमीच दाद मिळाली आहे आणि आता ‘झापुक झुपूक’मधून ते पुन्हा एकदा चाहत्यांसाठी अनोख्या संगीताची खास भेट घेऊन येत आहेत.

‘झापुक झुपूक’ या चित्रपटात मनोरंजना सोबतच भरपूर काही अनुभवयाला मिळणार आहे. चित्रपटात सूरजसोबत मराठी कलाकार जुई भागवत, इंद्रनील कामत, हेमंत फरांदे, पायल जाधव, पुष्कराज चिरपुटकर, मिलिंद गवळी आणि दीपाली पानसरे हे मुख्य भूमिकेत झळकणार आहेत. जिओ स्टुडिओज् प्रस्तुत, केदार शिंदे प्रोडक्शन्स निर्मित, निर्माती ज्योती देशपांडे आणि सौ. बेला शिंदे यांचा केदार शिंदे दिग्दर्शित ‘झापुक झुपूक’ हा चित्रपट येत्या 25 एप्रिल 2025 रोजी महाराष्ट्रतील सिनेमागृहांत प्रेक्षकांच्या भेटीला येणार आहे.

Follow Us
बाळासाहेब ठाकरे यांच्या स्मृतिदिनी उद्धव ठाकरेंकडून शक्तीस्थळी अभिवादन
Uddhav Thackeray : बाळासाहेब ठाकरे यांच्या स्मृतिदिनी उद्धव ठाकरेंनी शक्तीस्थळी जाऊन केले अभिवादन!
हिंदुहृदयसम्राट बाळासाहेब ठाकरे यांच्या स्मृतिदिनी एकनाथ शिंदेंकडून...
हिंदुहृदयसम्राट बाळासाहेब ठाकरे यांच्या स्मृतिदिनी एकनाथ शिंदेंकडून अभिवाद; त्यांनी दिलेल्या मुलमंत्राचं स्मरण करत म्हणाले...
बच्चन बाप-बेट्याला बुलेटप्रूफमध्येही मारु! गोल्डी ढिल्लोच्या दाव्याने
Amitabh Bachchan Safety : बच्चन बाप-बेट्याला बुलेटप्रूफमध्येही मारु! गोल्डी ढिल्लोच्या दाव्याने खळबळ
मोठी बातमी! महाराष्ट्रातील आणखी 18 तालुके दुष्काळग्रस्त होणार? आज...
महाराष्ट्रातील आणखी 18 तालुके दुष्काळग्रस्त होणार? आज मंत्रिमंडळाची महत्त्वाची बैठक!
ऑपरेशन टायगरवर आशिष जयस्वाल यांचे सूचक विधान; ठाकरे गटाच्या...
ऑपरेशन टायगरवर आशिष जयस्वाल यांचे सूचक विधान; ठाकरे गटाच्या नेतृत्वाबाबत काय म्हणाले?
छठपूजेनंतर महाराष्ट्रात काही ठिकाणी अस्वच्छतेचे साम्राज्य! रामकुंड...
छठपूजेनंतर महाराष्ट्रात अस्वच्छतेचे साम्राज्य! रामकुंडाच्या पायऱ्यांवर आडनावे, समुद्रकिनाऱ्यांवर कचऱ्याचे ढीग
रायगडमध्ये शिंदेंच्या शिवसेनेचे जोरदार शक्तिप्रदर्शन; शेकडो कार्यकर्ते
Eknath shinde : रायगडमध्ये शिंदेंच्या शिवसेनेचे जोरदार शक्तिप्रदर्शन; शेकडो कार्यकर्त्यांचा पक्षप्रवेश
जळगाव जिल्हा बँक निवडणूक महायुती म्हणून लढणार, दोन जागांचा तिढा कायम
Jalgaon : जळगाव जिल्हा बँक निवडणूक महायुती म्हणून लढणार, दोन जागांचा तिढा कायम
मुंबईत प्रदूषणाचा विळखा! हवेची गुणवत्ता खालावल्याने नागरिकांच्या...
मुंबईत प्रदूषणाचा विळखा! हवेची गुणवत्ता खालावल्याने नागरिकांच्या आरोग्याची चिंता
SRA आरोपांवर प्रताप सरनाईक आक्रमक; संजय राऊतांना सुनावले...
SRA आरोपांवर प्रताप सरनाईक आक्रमक; संजय राऊतांना सुनावले, अपना घर घोटाळ्यावरही मोठा इशारा!