अजुन एका अभिनेत्रिला ‘ब्रेस्ट कॅन्सर, महिमा चौधरी ‘कॅन्सरग्रस्त’… तुम्हालाही जाणवताय का ही लक्षणे? महिलांनी घ्या काळजी!

नियमीत तपासणी दरम्यान, महिमाला कळलं की ती ब्रेस्ट कॅन्सरच्या (breast cancer) सुरुवातीच्या टप्प्यात आहे. डॉक्टरांनी त्यांच्यावर उपचार सुरू केले आहेत. प्रत्येक स्त्रीला स्तनाच्या कर्करोगाची लक्षणे माहित असणे आवश्यक आहे जेणेकरुन कॅन्सर पसरण्यापासून रोखता येईल. चित्रपटांपासून दूर असलेली अभिनेत्री महिमा चौधरी (Actress Mahima Chaudhary) सध्या ब्रेस्ट कॅन्सरशी झुंज देत आहे. अनुपम खेर यांनी इन्स्टाग्रामवर एका व्हिडिओद्वारे ही माहिती दिली आहे. महिमानेही हा व्हिडिओ शेअर केला आहे. चांगली गोष्ट म्हणजे महिमाला कॅन्सरच्या सुरुवातीच्या टप्प्यात याची माहिती मिळाली आणि लवकरच तिच्यावर उपचार सुरू झाले. महिलांनी आपली नियमीत आरोग्य तपासनी करणे गरजेचे असून, स्तनाच्या कर्करोगाची लक्षणे (Symptoms of cancer) सर्व महिलांना माहित असणे आवश्यक आहे जेणेकरुन तो वेळेत पसरण्यापासून रोखता येईल.

कसा होतो स्तनाचा कर्करोग

जेव्हा पेशींवर नियंत्रण ठेवणाऱ्या जनुकांमध्ये उत्परिवर्तन होते तेव्हा कर्करोग होतो. या उत्परिवर्तनामुळे पेशी अनियंत्रित पद्धतीने वाढू लागतात. स्तनाच्या कर्करोगात हा कर्करोग स्तनाच्या पेशींमध्ये विकसित होतो. सहसा, हा कर्करोग फॅटी पेशी, लोब्यूल्स किंवा स्तनाच्या नलिकांमध्ये तयार होतो. अनियंत्रित कर्करोगाच्या पेशी अनेकदा स्तनाच्या निरोगी पेशींना वेढतात आणि हाताखालील लिम्फ नोड्सपर्यंत पोहोचतात.

अनुवंशिकतेमुळेही होतो कर्करोग

DNA नुकसान किंवा अनुवांशिक उत्परिवर्तनामुळे स्तनाचा कर्करोग विकसित होतो. इस्ट्रोजेन,अनुवांशिक दोष किंवा अनुवांशिक जनुकांचा संपर्क यासाठी कारणीभूत असू शकतो. जेव्हा एखादी व्यक्ती निरोगी असते, तेव्हा त्यांची रोगप्रतिकारक शक्ती कोणत्याही असामान्य DNA किंवा वाढीवर हल्ला करते आणि थांबवते. परंतु जेव्हा एखाद्या व्यक्तीला कर्करोग होतो तेव्हा असे होत नाही. परिणामी, स्तनाच्या ऊतींच्या पेशी अनियंत्रितपणे वाढू लागतात आणि त्यांचा नाश होत नाही. पेशींची ही असामान्य वाढ ट्यूमरचे रूप घेते, ज्यामुळे आवश्यक पोषन आणि ऊर्जा पेशींपर्यंत पोहोचत नाही. स्तनाचा कर्करोग दुधाच्या नलिका किंवा लोब्यूल्सच्या आतील काठापासून सुरू होतो आणि नंतर शरीराच्या इतर भागांमध्ये पसरतो.

काय आहेत, स्तनाच्या कर्करोगाची लक्षणे

सुरुवातीच्या टप्प्यात स्तनाच्या कर्करोगाची कोणतीही लक्षणे दिसत नाहीत. बहुतेक प्रकरणांमध्ये, ही गाठ इतकी लहान असते की ती जाणवतही नाही, परंतु मॅमोग्राम चाचणीद्वारे ती ओळखली जाऊ शकते. ही गाठ तेव्हा जाणवू शकते जेव्हा स्तनामध्ये नवीन गाठ जाणवते जी आधी नव्हती. दरम्यान, सर्वच गाठी कर्करोगाच्या नसतात.

स्तनाच्या कर्करोगातील सामान्य लक्षणे

– स्तन दुखणे, – स्तनाची त्वचा लाल होणे किंवा रंग बदलणे – स्तनाभोवती सूज येणे – स्तनाग्र स्त्राव – स्तनाग्रातून रक्तस्त्राव – स्तन किंवा स्तनाग्र त्वचा सोलणे – स्तनाच्या आकारात अचानक बदल – निप्पलच्या आकारात बदल, स्तनाग्र आतील बाजूस झुकणे – हाताला गाठ किंवा सूज जाणवने.

जर तुम्हाला यापैकी कोणतीही लक्षणे जाणवत असतील तर याचा अर्थ तुम्हाला स्तनाचा कर्करोग आहे असे नाही. जसे की स्तनामध्ये वेदना किंवा गाठ हे देखील सौम्य गळूचे लक्षण असू शकते. तरीही, जर तुम्हाला स्तनामध्ये काही गाठी जाणवत असेल किंवा इतर लक्षणे असतील तर, योग्य तपासणीसाठी नक्कीच तुमच्या डॉक्टरांशी संपर्क साधावा याबाबत आजतक सविस्तर वृत्त प्रसिद्ध केले आहे.