AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Covid : कोरोनाबाबतची मोठी अपडेट, काळजी घ्या… कोरोनामुळे होतोय ‘हा’ आजार; डेथ रेट वाढण्याची शक्यता

देशात पुन्हा एकदा कोरोनाने डोकंवर काढलं आहे. खासकरून केरळ, महाराष्ट्र आणि दिल्लीत कोरोना रुग्णांची संख्या वाढताना दिसत आहे. विशेष म्हणजे कोरोनामुळे न्यूमोनिया होतानाही दिसत आहे.

Covid : कोरोनाबाबतची मोठी अपडेट, काळजी घ्या... कोरोनामुळे होतोय 'हा' आजार; डेथ रेट वाढण्याची शक्यता
COVID-19Image Credit source: tv9 marathi
| Updated on: Apr 05, 2023 | 1:57 PM
Share

नवी दिल्ली : गेल्या तीन वर्षांपासून संपूर्ण देशात कोरोनाचं संकट कायम आहे. कोरोनाचा प्रभाव कमी झाला असला तरी संकट टळलेलं नाही. प्रत्येकवेळी कोरोना नवनव्या स्वरुपात येत असल्याने वैद्यकीय क्षेत्रासमोरही आव्हान निर्माण झालं आहे. तब्बल आठ महिन्यानंतर पुन्हा एकदा कोरोनाच्या रुग्णसंख्येत वाढ झाली आहे. या आठ महिन्यानंतर चार हजाराहून अधिक कोरोना रुग्णांची नोंद झाली आहे. सध्या देशात कोरोनाच्या सक्रिय रुग्णांची संख्या 23 हजार झाली आहे. प्रत्येक दिवशी कोरोना रुग्णांची संख्या वाढत असल्याने अधिकच चिंता वाढत आहे. दिल्ली, महाराष्ट्र आणि केरळमध्ये कोरोनाचा व्हायरस प्रचंड वाढला आहे. त्यामुळे अधिकच धोका निर्माण झाला आहे.

या तिन्ही राज्यात कोरोना रुग्णांची संख्या वाढल्याने रुग्णालयातील संख्या वाढली आहे. विशेष म्हणजे काही रुग्णांमध्ये न्यूमोनियाची लक्षणं दिसत आहेत. कोरोनामुळे न्यूमोनिया होत असल्याचं उघड झालं आहे. फुफ्फुसात संसर्ग झाल्याने न्यूमोनिया होतो. वेळेत उपचार झाले नाही तर त्यामुळे प्राणही जाऊ शकतो. कोरोनाची दुसरी लाट आली होती. त्यावेळी न्यूमोनियामुळेच अधिक लोकांचा मृत्यू झाला होता. आता पुन्हा काही रुग्णांमध्ये न्यूमोनियाचीच लक्षणे दिसत आहेत. ज्येष्ठ नागरिक आणि जुना आजार असणाऱ्यांमध्ये या आजाराची लक्षणे अधिक दिसत आहेत, असं डॉक्टरांनी सांगितलं.

दुर्लक्ष करू नका

काही रुग्णांमध्ये बॅक्टेरियल न्यूमोनियाची लक्षणे दिसत आहेत. त्यामुळे हॉस्पिटलायझेशन वाढवावे लागणार आहे. ज्येष्ठ नागरिक आणि इतर गंभीर आजार असलेले रुग्ण रुग्णालयात भरती आहेत. ऑक्सिजनची लेव्हल कमी आणि यकृतातील संसर्गाच्या केसेस येत नाहीये. मात्र तरीही ज्या प्रकारे कोरोना रुग्णांची संख्या वाढत आहे. त्यावरून सतर्क झाले पाहिजे. व्हायरस म्यूटेट होत आहे. सातत्याने नवा व्हेरिएंट येत आहे. व्हेरिएंट वेगाने फैलावत आहे. त्यामुळे कोविडकडे दुर्लक्ष करता कामा नये, असं एम्सच्या क्रिटीकल केअर डिपार्टमेंटचे प्रोफेसर डॉ. युद्धवीर सिंह यांनी सांगितलं.

डेथ रेट का वाढतोय?

कोरोनामुळे रुग्णांचं दवाखानम्यात भरती होण्याचं प्रमाण वाढलं आहे. मात्र, डेथ रेटमध्ये वाढ होण्याची शक्यता नाही. शिवाय रुग्णांमधील ऑक्सिजन लेव्हल कमी झाल्याच्या केसेसही आलेल्या नाहीत. त्यामुळे डेथ रेट वाढण्याची शक्यता नाहीये. ज्या लोकांना आधीपासूनच कॅन्सर, एड्स, टीबी आणि लिव्हर तसेच किडनीच्या आजाराने झुंजणाऱ्यांना कोरोनाचा अधिक धोका आहे. अशा रुग्णांना वेळेत उपचार करणं आणि काळजी घेणं गरजेचं आहे, असं डॉ. सिंह यांनी सांगितलं.

संरक्षण कसं करायचे?

सर्व लोकांनी पुन्हा एकदा मास्कचा वापर केला पाहिजे. त्यामुळे व्हायरसपासून संरक्षण मिळेल. ऑफिसला जाताना किंवा बाहेर जाताना मास्क लावूनच गेलं पाहिजे. तुम्हाला जर दमा, ब्रोंकायटिस किंवा सीओपीडीचा त्रास असेल तर मास्कपासूनच संरक्षण मिळेल. ज्येष्ठ नागरिकांनीही मास्क वापरणे बंधनकारक आहे. कारण कोरोनाचा व्हायरस वेगाने वाढत आहे. त्यामुळे रिस्क नको म्हणून ही काळजी घेतली पाहिजे, असं डॉ. जुगल किशोर यांनी सांगितलं.

Follow Us
बिनविरोध निवडीचा मान कायम! जय शाह पुन्हा सांभाळणार आयसीसीची धुरा
Jay Shah : बिनविरोध निवडीचा मान कायम! जय शाह पुन्हा सांभाळणार आयसीसीची धुरा
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!