Health Tips: या सवयींमुळे हार्ट अटॅक येऊ शकतो, वेळीच सावध व्हा! डॉ नेनेंचा कडक इशारा

Health Tips: बॉलिवूड अभिनेत्री माधुरी दीक्षितचे पती डॉक्टर श्रीराम नेने हे कायमच आरोग्याशी संबंधीत सल्ले देत असतात. नुकताच त्यांनी सकाळी उठल्यापासून कोणती काळजी घेणे गरजेचे आहे हे जाणून घेऊया...

Health Tips: या सवयींमुळे हार्ट अटॅक येऊ शकतो, वेळीच सावध व्हा! डॉ नेनेंचा कडक इशारा
Dr nene
Image Credit source: tv9 Marathi
| Updated on: Nov 22, 2026 | 8:33 AM

सकाळी उठल्यापासून रात्री झोपेपर्यंतच्या छोट्या सवयी आपल्या आरोग्यावर मोठा परिणाम करतात. आजच्या धावपळीच्या जीवनशैलीत अनेकजण या सवयींकडे दुर्लक्ष करतात, ज्यामुळे थकवा, आळस आणि दीर्घकालीन आजारांचा धोका वाढतो. डॉ. श्रीराम नेने यांच्या मते, निरोगी आणि दीर्घायुषी जीवन जगण्यासाठी मोठे बदल नकोत सोप्या आणि नियमित सवयी पुरेशा ठरतात. त्यांच्या सल्ल्यानुसार दिनचर्येत काही मूलभूत गोष्टींचा समावेश केल्यास शरीर आणि मन दोन्ही अधिक उत्साही राहतात.

सकाळी अलार्म वाजल्यावर लगेच उठणे आणि स्नूझ बटण दाबणे टाळणे महत्त्वाचे आहे. वारंवार झोप मोडल्यामुळे शरीराचे नैसर्गिक झोपेचे चक्र बिघडते आणि दिवसभर आळस जाणवतो. उठल्याबरोबर मोबाईल हातात घेऊन सोशल मीडिया किंवा बातम्या पाहणेही टाळावे. त्यामुळे मेंदूवर अनावश्यक माहिती आणि तणावाचा भार येतो. सकाळचा पहिला एक तास मोबाईलपासून दूर राहिल्यास दिवसाची सुरुवात शांत आणि सकारात्मक होते.

Loading...

एकाच जागेवर बसू नये

ऑफिस किंवा घरी काम करताना सलग तासन्तास बसून राहणे धोकादायक ठरू शकते. यामुळे रक्ताभिसरण मंदावते आणि स्नायूंमध्ये आखडलेपणा येतो. दीर्घकाळ निष्क्रिय बसून राहण्याचा संबंध हार्ट अटॅक, टाइप-२ मधुमेह आणि काही प्रकारच्या कर्करोगाच्या वाढत्या जोखमीशी जोडला गेला आहे. डॉ. नेने यांच्या सल्ल्यानुसार दर ३० ते ६० मिनिटांनी खुर्चीवरून उठून थोडा चालणे किंवा हलके स्ट्रेचिंग करावे.

जेवताना मोबाईल पाहू नये

जेवताना मोबाईल किंवा टीव्ही पाहत घाईघाईत जेवण करणे पचनासाठी हानिकारक आहे. अन्न नीट न चावता खाल्ल्याने मेंदूला पोट भरल्याचा संकेत उशिरा मिळतो आणि गरजेपेक्षा जास्त खाल्ले जाते. यामुळे अपचन, पोट फुगणे, ॲसिडिटी आणि वजन वाढण्याच्या समस्या उद्भवतात. जेवताना पूर्ण लक्ष खाण्यावर ठेवावे आणि प्रत्येक घास सावकाश चावून खावा.

दिवसभर पुरेसे पाणी पिणे शरीराच्या सर्व अवयवांसाठी आवश्यक आहे. पाण्याची कमतरता झाल्यास थकवा, डोकेदुखी, त्वचा कोरडी पडणे आणि लक्ष न लागणे यांसारखी लक्षणे दिसतात. सकाळी रिकाम्या पोटी कॉफी पिण्याची सवय काही जणांना ॲसिडिटी वाढवू शकते. त्यामुळे दिवसाची सुरुवात साध्या पाण्याने करून शरीर हायड्रेट ठेवावे.

रात्री झोपण्यापूर्वी तासन्तास मोबाईलवर रील्स पाहणे किंवा कामाचा विचार करणे झोपेची गुणवत्ता बिघडवते. स्क्रीनमधील निळा प्रकाश झोपेच्या हार्मोन्सवर परिणाम करतो, ज्यामुळे झोप उशिरा येते आणि दुसऱ्या दिवशी चिडचिड होते. झोपण्याच्या किमान ३० ते ६० मिनिटे आधी मोबाईल बाजूला ठेवून शांत वातावरणात विश्रांती घ्यावी.

आळस, अपुरी झोप आणि हालचालींचा अभाव हळूहळू शरीराला आतून पोखरत असतो. सकाळी वेळेवर उठणे, मोबाईलचा अतिवापर टाळणे, शांतपणे जेवण करणे, पुरेसे पाणी पिणे आणि कामाच्या दरम्यान थोडे चालणे या छोट्या सवयी गंभीर आजारांपासून दूर ठेवू शकतात. डॉ. श्रीराम नेने यांनी सांगितलेले हे सोपे नियम आजपासून अमलात आणा. यामुळे तुमचे संपूर्ण आयुष्य बदलून जाईल.

Loading...
Unable to load recommendations.
Follow Us