Health: या दोन गोष्टीच्या एकत्रित सेवनाने वाढते रोग प्रतिकारक शक्ती, आजारही राहतात दूर
कोरोनानंतर रोगप्रतिकारक शक्तीचे महत्त्व सर्वांनाच पटले आहे. रोगप्रतिकारक शक्ती वाढविण्यासाठी काही उपाय जाणून घेऊया.
मुंबई, कोरोनानंतर अनेकांनी आपल्या आरोग्याला प्राधान्य देण्यास सुरुवात केली आहे. आरोग्य जपण्यासाठी रोग प्रतिकारक (Immunity Power) शक्ती अत्यंत महत्त्वाची भूमिका बजावते. आपल्या भारतीय आहारात असे बरेच घटक आहेत जे आरोग्यासाठी लाभदायक आहेत. पालक आणि मुगडाळ (Spinach and Mugdal) हे देखील त्यापैकीच एक आहे. जर तुम्ही मूग किंवा मसूर डाळ आणि पालकाची भाजी खात असाल तर हा ऊर्जेचा (Energy source) एक उत्तम स्रोत आहे. याच्या एक वाटी भाजीमध्ये 132 कॅलरीज मिळतात. ज्यामध्ये 76 कॅलरीज कार्बोहायड्रेट आणि 29 कॅलरीज प्रोटीन व 27 कॅलरीज फॅट आहेत.
त्यामुळे प्रत्येकाने आपल्या आहारात मूग डाळ आणि पालकाचा समावेश केला पाहिजे. मुगाची डाळ जवळपास प्रत्येक घरात रोज तयार केली जाते. पण त्यात पालक टाकून बनवल्यास त्याची चव तर वाढतेच शिवाय पौष्टिकताही वाढते. जाणून घ्या मूग डाळ आणि पालक खाण्याचे फायदे.
मूग डाळ आणि पालकाचे फायदे
- पचनशक्ती मजबूत होते – मूग डाळ आणि पालक हे फार जड अन्न नसल्यामुळे पचायला सोपे आहे. यामुळे पचनशक्ती मजबूत होते आणि बद्धकोष्ठतेची समस्याही दूर होते. याशिवाय शरीरातील लोहाची कमतरता देखील दूर करते.
- हाडे मजबूत होतात- मूग डाळ आणि पालकाच्या सेवनाने हाडे मजबूत होतात. यामध्ये प्रथिने, कॅल्शियम, पोटॅशियम आणि लोह भरपूर प्रमाणात असते, ज्यामुळे हाडे मजबूत होतात. लहान मुलांपासून ते वृद्धांसाठी याचे सेवन खूप फायदेशीर मानले जाते.
- रोगप्रतिकारशक्ती वाढवण्यासाठी उपयुक्त- मूग डाळ आणि पालकमध्ये भरपूर प्रमाणात अँटीऑक्सिडंट असतात. कॅल्शियम आणि प्रथिनांचाही हा एक चांगला स्रोत मानला जातो. ते शरीरात प्रतिकारशक्ती वाढवण्यास मदत करतात.
-
त्वचेसाठीही आरोग्यदायी- पचनशक्ती आणि रोगप्रतिकारक शक्तीसोबतच मूग डाळ आणि पालक त्वचेसाठीही खूप फायदेशीर आहेत. याच्या वापराने चेहऱ्याचा रंग निखरतो. यासोबतच चेहऱ्यावरील तारुण्य टिपिक आणि वृद्धत्वाची समस्याही दूर होते. मूग डाळ आणि पालकाच्या सेवनाने शरीरासोबतच त्वचाही निरोगी राहते.
