Health: गंभीर कोरोना रुग्णांवर वेदनशामक औषधे ठरली वरदान: संशोधन

UTHealth Houston आणि इतर संस्थांच्या नवीन अभ्यासानुसार, एका वेदनाशामक (Pain reliever) औषधांमध्ये शरीरातील हानिकारक घटक आणि मेंदूचे होणाऱ्या नुकसानीवर (On brain damage) उपचार करण्याची क्षमता असू शकते. त्यामुळे, गंभीर COVID-19 असलेले रुग्णांचा मृत्यू होण्याचा धोका खूपच कमी होतो. UTHealth Houston मधील न्यूरॉलॉजी विभागातील अध्यक्षांनी या औषधांचे रुग्णांवर वापराचे संशोधन केले. त्यात एरॉन एम. गुस्डन, एमडी, यूटीएचहेल्थ ह्यूस्टन येथील मॅकगव्हर्न मेडिकल स्कूलमधील न्यूरोसर्जरी विभागातील व्हिव्हियन एल. स्मिथ विभागातील सहायक प्राध्यापक; एच. अॅलेक्स चोई, एमडी, विभागातील सहयोगी प्राध्यापक यांनी या संशोधनात (In research) सहभाग नोंदविला. या चाचणीचे निष्कर्ष आज सायन्स ट्रान्सलेशनल मेडिसिनमध्ये प्रसिद्ध झाले आहेत. गंभीर कोविड 19 असलेल्या 24 व्यक्तींचा अभ्यासात समावेश करण्यात आला होता. यात रुग्णांना OP – 101 चा एकल इंट्राव्हेनस डोस देण्यात आला तसेच सर्व रुग्णांवर कॉर्टिकोस्टिरॉईड्सचा समावेश असलेल्या थेरपीचही वापर करण्यात आला.

मेंदूतील पेशी सक्रिय करण्यास मदत

अभ्यासाचे पहिले लेखक, गुस्डन यांच्या मते, “OP-101 हे एक नवीन नॅनोथेरप्यूटिक औषध आहे, जे मेंदूतील प्रमुख रोगप्रतिकारक पेशी सक्रिय मॅक्रोफेज आणि मायक्रोग्लिया यांना निवडकपणे लक्ष्य करते. मेमोरियल हर्मन हॉस्पिटलमध्ये या गंभीर आजारी रुग्णांना हे औषध देताना आम्हाला आनंद झाल्याचे त्यांनी सांगितले. SARS-CoV-2-प्रेरित हायपर इन्फ्लेमेशन हे कोविड-19 रोगाच्या तीव्रतेत प्राथमिक योगदान आहे. न्यूरोफिलामेंट लाइट चेन आणि ग्लिअल फायब्रिलरी ऍसिडिक प्रोटीन, जे न्यूरोलॉजिकलचे सूचक आहेत. ते औषधीने कमी झाल्याचे आढळून आले.

काय आढळले संशोधनात

उपचारानंतर 30 किंवा 60 दिवसांनी मृत्यूचा किंवा व्हॅटींलेटरचा धोका 18% रुग्णांसाठी 18% होता, ज्याच्या तुलनेत प्लेसबो प्राप्त करणाऱ्या व्यक्तींसाठी 71% होता. प्लेसबो मिळालेल्या 7 रुग्णांपैकी 3 आणि ओपी – 101 मिळालेल्या 17 रुग्णांपैकी 14 रुग्ण उपचारानंतर 60 दिवस जगले. आकडेवारीनुसार, गंभीर आजारी रुग्णांच्या लोकसंख्येमध्ये ओपी – 101 चांगले सहन केले गेले आणि कोविड – 19 रूग्णांसाठी हा एक यशस्वी उपचार पर्याय असू शकतो जे रुग्णालयात दाखल आहेत. हा एक छोटा-डोस वाढवण्याचा प्रयोग होता हे तथ्य असूनही, गुस्डन यांनी नमूद केले की, ” ही थेरपी मेंदूच्या वेगवेगळ्या प्रकारच्या दुखापतींसह प्रणालीतील दाहक प्रतिक्रियांना चालना देणाऱ्या इतर परिस्थितींसह रुग्णांना देखील मदत करू शकते. कोविड 19 महामारीमुळे 300 दशलक्षाहून अधिक लोक संक्रमित झाले आहेत आणि परिणामी 5 दशलक्षाहून अधिक लोक मरण पावले आहेत. अशा वेळी ओपी – 101 हे वेदना शामक औषध आशेचा किरण ठरू शकतो असे मत, संशोधकांनी नोंदविले आहे.