मधलं बोट दाखवत अश्लील चाळे करत डोनाल्ड ट्रम्प यांचा शिवीगाळ, व्हायरल व्हिडीओने खळबळ…

Donald Trump

डोनाल्ड ट्रम्प कायमच चर्चेत असणारे नाव आहे. डोनाल्ड ट्रम्प घेत असलेल्या निर्णयामुळे जग संकटात आहे. इराणला थेट हल्ला करणार असल्याची धमकी डोनाल्ड ट्रम्प यांनी दिली. इराणला प्रत्येक बाजूने अडचणीत आणण्याचा प्रयत्न डोनाल्ड ट्रम्प यांच्याकडून केला जात आहे. इराणसोबत व्यापार करणाऱ्या देशावर 25 टक्के टॅरिफ आकारणार असल्याचे डोनाल्ड ट्रम्प यांनी म्हटले. हे आदेश असून आतापासून हा नियम लागू झाल्याचेही त्यांनी म्हटले. इराणमध्ये काही दिवसांपासून सरकारविरोधात लोक रस्त्यावर उतरले आहेत. इराण अशांत असून लोकांचे जीव जात आहेत. इराणच्या आंदोलनाच्या पार्श्वभूमीवर अमेरिका थेट इराणवर हल्ला करण्याची भाषा करत आहे. हेच नाही तर आम्ही इराणमध्ये सुरू असलेल्या आंदोलनाला पाठिंबा देत असून त्यांचा लढा शेवटच्या टप्प्यात असल्याचे अमेरिकेने म्हटले. मात्र, इराण सरकारने स्पष्ट म्हटले की, आमच्या देशाच्या मुद्द्यात इतरांचा हस्तक्षेप सहन करणार नाही.

सध्या डोनाल्ड ट्रम्प यांचा एक खतरनाक व्हिडीओ तूफान व्हायरल होताना दिसत आहे. डोनाल्ड ट्रम्प भर कॅमेऱ्यासमोर भडकताना दिसत असून थेट एका मुलाला शिवीगाळ करताना दिसत आहेत. डोनाल्ड ट्रम्प यांचा हा व्हिडीओ व्हायरल झाल्याने मोठी खळबळ उडाली आहे. डोनाल्ड ट्रम्प हातवारे करून शिवीगाळ करताना दिसत आहेत. यावेळी अमेरिकेच्या अजून काही अधिकारी देखील उपस्थित दिसत आहेत.

डोनाल्ड ट्रम्प यांनी मिशिगनच्या डियरबॉर्नमध्ये फोर्डच्या मोठ्या ट्रक प्लांटचा दाैरा केला. यादरम्यान कंपनीतील कामगारांनी त्यांना जोरजोरात पेडोफाइल प्रोटेक्टर शब्द सुनावले. याचा अर्थ लहान मुलांसोबत शारिरीक संबंध ठेवणाऱ्यांना वाचवणे होतो. हे शब्द कानावर पडताच डोनाल्ड ट्रम्प भडकले आणि त्यांनी याला उत्तर दिले. त्यांनी रागा रागात काही अपशब्दही बोलले आणि थेट शिवीगाळ करण्यास सुरूवात केली.

हेच नाही तर यादरम्यान त्यांनी कामगारांना हाताचे मधले बोटही थेट दाखवले. हा सर्व धक्कादायक प्रकार थेट कॅमेऱ्यात कैद झाला. हा व्हिडीओ सोशल मीडियावर तूफान व्हायरल होताना दिसत आहे. व्हायरल व्हिडीओनंतर होणाऱ्या टिकेनंतर व्हाईट हाऊसने थेट स्पष्टीकरण दिले. कंपनीतील कामगार वेडे असल्याचे त्यांनी म्हटले.तेथील लोक ओरडत असल्याने डोनाल्ड ट्रम्प यांनी हे केले.