या कारणामुळे भारताला रशियाकडून तेल खरेदी करण्याची परवानगी दिली, अमेरिकेकडून मोठा खुलासा, थेट…
अमेरिका आणि इराण यांच्यातील युद्ध टोकाला पोहोचले आहे. मोठे हल्ले केले जात आहेत. तेल डेपो उडवले जात आहेत. यामुळे तेलाचा मोठा तुटवडा निर्माण झाला. त्यामध्येच अमेरिकेकडून अत्यंत मोठा दावा करण्यात आला.
इस्त्रायल आणि अमेरिकेने मिळून इराणवर 28 फेब्रुवारी 2026 रोजी मोठा हल्ला केला. युद्ध सुरू झाल्यानंतर 24 तासाच्या आत इराणच्या सर्वाेच्च नेत्याला ठार करण्यात आले. यानंतर अमेरिकेने धक्कादायक खुलासे करत म्हटले की, आमच्याकडे गेल्या एक महिन्यापासून प्रत्येक हालचाल खामेनेईची होती. अमेरिकेच्या हल्ल्यानंतर आखाती देशांमध्ये असलेल्या अमेरिकन लष्कर तळावर इराणकडून मोठे हल्ले करण्यात आले. थेट त्यांची रडार स्टिटम खराब करण्यात आली. या युद्धादरम्यान अमेरिकेकडून अत्यंत मोठी घोषणा करण्यात आली आणि एक महिन्याकरिता आम्ही भारताला रशियाकडून कच्चे तेल खरेदी करण्याची परवानगी देत असल्याचे सांगण्यात आले. भारताने रशियाकडून तेल खरेदी बंद करावी, याकरिता अनेक निर्बंध घालण्यात आले. 50 टक्के टॅरिफ अमेरिकेने भारतावर लावला होता. भारताने रशियाकडून तेल खरेदी कमी केल्यानंतर हा टॅरिफ कमी करण्यात आला.
अमेरिकेने भारताला रशियाकडून तेल खरेदी करण्याची सूट नक्की का दिली? यावरून चर्चा रंगताना दिसल्या. अमेरिका इराण युद्धात जगातील अनेक देशात तेलाचा तुटवडा असून महत्वाचा समुद्री मार्गही इराणकडून बंद करण्यात आला. आता अमेरिकेने भारताला रशियाकडून तेल खरेदी करण्याची सूट का दिली याबद्दल थेट भाष्य करत त्यामधील कारणही सांगितले आहे.
व्हाईट हाऊसमधून पत्रकारांसोबत बोलताना प्रेस सेक्रेटरी कॅरोलिन लेविट यांनी म्हटले की, आम्ही या निर्णयापर्यंत याकरिता पोहोचलो की, भारत कायमच आमचा चांगला मित्र राहिला आहे, त्यांनी रशियाकडून तेल खरेदी बंद केली होती. इराणी लोकांमुळे जगभरातील तेल पुरवठा अस्थिर झाला आहे. हा तेल पुरवठा सुरळीत करण्याकरिता पूर्ण प्रयत्न केली जात आहेत.
त्याकरिता आम्ही भारताला रशियाकडून तेल खरेदी करण्याची परवानगी दिली. विशेष म्हणजे भारताला तेल पुरवठा केल्यानंतरही रशियाचा काही विशेष फायदा होणार नाही. अमेरिका आणि इराण युद्ध थांबवण्याचे काही संकेत नाहीत. या युद्धाचा थेट फटका अनेक देशांना बसताना दिसत आहे. त्यामध्येच मोठ्या हल्ल्यांची धमकी दिली जात आहे.
