दुबईची शान असलेल्या बुर्ज खलिफामध्ये फ्लॅटच किंमत किती आहे? मुंबईपेक्षा कमी की जास्त ?

स्वत:चं घर घेणं हे सर्वांचच स्वप्न असतं. मुळात म्हणजे हे स्वप्न पूर्ण करण्यासाठी सगळेच मेहनत घेत असतात. आपल्या बजेटमध्ये बसणारं, सुंदर असं घर घेणं म्हणजे आपली मेहनतीची, काटकसरीची सर्व कमाई एकाचवेळी आपल्या स्वप्नात गुंतवण्यासारखं असतं. मग तसं घर शोधण्यासाठी कित्येक वर्ष आणि कित्येक ठिकाणं शोधून काढतो.

बुर्ज खलिफामध्ये असणाऱ्या घरांची किंवा फ्लॅटची किंमत

काहीजणांचं तर मुंबईत घरं घेणं हे सर्वात मोठं स्वप्न असतं. पण मुंबईत घर घेणं म्हणजे सध्याच्या काळी कसोटीच आहे. इथं काही स्केवर फुटांच्या घरांसाठी कोट्यवधी रुपये मोजले जातात. मुंबईप्रमाणेच दुबईमध्येही घरं घेण्यासाठी अनेकजण उत्सुक असतात. दुबईतील बुर्ज खलिफामध्ये घर घेण्याचं अनेकांचं स्वप्न असतं. पण तुम्हाला बुर्ज खलिफामध्ये असणाऱ्या घरांची किंवा फ्लॅटची किंमत माहितीये का?

कधीतरी दुबईला फिरायला जावं, असा विचार अनेकदा आपल्या मनात नक्कीच येतो. जगभरातील पर्यटकांच्या आवडत्या शहरामध्ये याचा समावेश होतो. इथंल्या गगनचुंबी इमारती आणि वास्तूशैली बघणाऱ्या मंत्रमुग्ध करुन टाकतात. जगातील सर्वात उंच इमारत बुर्ज खलिफा ही तर आधुनिक अभियांत्रिकीचा चमत्कार मानला जातो. ती इमारत पाहणं म्हणजे दुबईला जाण्याचं मुख्य कारण असतं.

दुबईची बुर्ज खलिफा ही जगातील सर्वात उंच इमारत आहे. त्यात अनेक आलिशान घरे आहेत.828 मीटर उंच असलेली ही इमारत आयफेल टॉवरपेक्षा तिप्पट उंच आहे. यात 163 मजले, 58 लिफ्ट, 2957 पार्किंग स्पेस, 304 हॉटेल रूम, 37 ऑफिस फ्लोर आणि 900 लक्झरी अपार्टमेंट आहेत.

आलिशान एक आणि दोन बेडरूमचे अपार्टमेंट

यात 9 ते 16 मजल्यावरील अरमानी निवासस्थानांमध्ये आलिशान एक आणि दोन बेडरूमचे अपार्टमेंट आहेत. 45 ते 108 मजल्यांवर एक ते चार बेडरुम असणारे आलिशान खाजगी अपार्टमेंट आहेत. दुबईच्या एका गृहनिर्माण वेबसाइटनुसार, बुर्ज खलिफामधील अपार्टमेंटमध्ये 1 BHKची किंमत आहे 3 करोडच्या घरात, 2 BHK 5 करोडच्या घरात आहे तर, 3 BHKची किंमत 14 कोटी रुपये आहे.

याव्यतिरिक्त, बुर्ज खलिफातील 21000 स्क्वेअर फूटमध्ये पसरलेले सर्वात मोठे पेंटहाऊसही आहे. त्याची किंमत अंदाजे 240 कोटी रुपये आहे. ही सर्व घरे सर्वोत्कृष्ट आंतरराष्ट्रीय सुविधांनी सुसज्ज आहेत.

मुंबईतही घरांच्या किमती…

मुंबईतही घरांच्या किमती दिवसेंदिवस गगनाला भिडत आहेत. गेल्या महिन्यात शेअर बाजारातील प्रसिद्ध गुंतवणूकदार जगदीश मास्टर यांच्या पत्नी उर्जिता जगदीश मास्टर यांनी एक अपार्टमेंट 105 कोटी रुपयांना खरेदी केला होता. नवीन खरेदी केलेले अपार्टमेंट 7130 स्क्वेअर फूटचे आहे. हे अपार्टमेंट ॲनी बेझंट रोडवर आहे.

अबुधाबीमध्येही बुर्ज खलिफामधील घरांच्या  किमती परवडणाऱ्या 

दरम्यान दुबईशिवाय अबुधाबीमध्येही एक बुर्ज खलिफा आहे. ही बुर्ज मोहम्मद बिन रशीदची इमारत आहे. बुर्ज खलिफाच्या धर्तीवरच ही देखील बांधण्यात आली आहे. या बुर्ज मोहम्मदला 92 मजले आहेत. त्याच वेळी, ते 7 वर्षांत तयार केले गेले आहे. यातील फ्लॅटची किंमत बुर्ज खलिफापेक्षा खूपच कमी आहे.

बुर्ज मोहम्मद बिन रशीदमध्ये 1 BHK म्हणजेच एका खोलीच्या फ्लॅटची किंमत 36 लाख रुपये आहे. या किमतीत तुम्ही येथे आरामात घर खरेदी करू शकता.बयुत यांच्या म्हणण्यानुसार, त्याच इमारतीतील 2 BHK म्हणजेच 2 खोल्यांच्या घराची किंमत 53 लाख रुपये आहे. त्यामुळे दुबईतील नाही तर किमान अबुधाबीमधल्या बुर्ज खलिफामध्ये तरी घरं घेणं नक्कीच शक्यतेचं वाटतं.