सर्वात मोठी बातमी! अमेरिकेने भारतावरील टॅरिफ घटवले, आता फक्त ‘इतका’ कर लागणार
अमेरिकेने भारतावरील टॅरिफ कमी केले आहे. अमेरिकेचे अध्यक्ष डोनाल्ड ट्रम्प यांनी याची घोषणा केली. अमेरिकेने भारतावरील टॅरिफ 25 % वरून 18% पर्यंत कमी केले आहेत. आता भारतावर फक्त 18% कर असणार आहे. यामुळे निर्यातदारांना फायदा होणार आहे.
अमेरिकेने भारतावरील टॅरिफ कमी केले आहे. अमेरिकेचे अध्यक्ष डोनाल्ड ट्रम्प यांनी याची घोषणा केली. अमेरिकेने भारतावरील टॅरिफ 25 % वरून 18% पर्यंत कमी केले आहेत. आता आगामी काळात टॅरिफ आणखी कमी होण्याची शक्यता आहे. डोनाल्ड ट्रम्प आणि पंतप्रधान मोदी यांच्यात या मुद्द्यावर एक महत्त्वपूर्ण करार झाला. याबाबत बोलताना ट्रम्प यांनी कर 18% वरून शून्यावर आणण्याबाबत भाष्य केले आहे. भारतासाठी हा मोठा दिलासा असणार आहे. याबाबत सविस्तर माहिती जाणून घेऊयात.
काय म्हणाले ट्रम्प?
पंतप्रधान मोदी आणि ट्रम्प यांच्यात आज फोनवरून संभाषण झाले. यावेळी दोन्ही नेत्यांना व्यापारासह अनेक मुद्द्यांवर चर्चा केली. ट्रम्प यांनी त्यांच्या सोशल मीडिया अकाउंटवर याबाबत माहिती दिली आहे. ट्रम्प म्हणाले की, “पंतप्रधान मोदी हे माझे सर्वात चांगले मित्र आहेत आणि त्यांच्या देशातील एक शक्तिशाली आणि आदरणीय नेते आहेत. आम्ही व्यापार आणि रशिया आणि युक्रेनमधील युद्ध संपवणे यासह अनेक मुद्द्यांवर चर्चा केली.”
भारत आता रशियाकडून नव्हे तर व्हेनेझुएलाकडून तेल खरेदी करणार – ट्रम्प
ट्रम्प यांनी पुढे सांगितले की, भारत आता रशियाकडून तेल खरेदी करणे थांबवणार आहे. भारत आगामी काळात अमेरिका आणि व्हेनेझुएलाकडून इंधन खरेदी करणार आहे. तसेच भारत अमेरिकेकडून जवळपास सर्वच वस्तूंची खरेदी करेल असंही ट्रम्प यांनी म्हटले आहे. तसेच भविष्यात भारतावरू शुल्क आणखी कमी केले जाईल अशी माहिती देताना, सध्या कमी केलेले शुल्क दर त्वरित लागू होतील असंही ते म्हणाले. भविष्यात भारताशी आमचे संबंध आणखी मजबूत होतील. पंतप्रधान मोदी आणि मी अनेक सकारात्मक कामे पूर्ण करणार आहोत.
भारत अमेरिकेकडून मोठी खरेदी करणार
ट्रम्प पुढे म्हणाले की, मोदी यांनी बाय अमेरिकन धोरणाला खूप उच्च पातळीवर नेण्यासाठी सकारात्मकता दर्शविली आहे. भारत अमेरिकेकडून 500 अब्ज डॉलर्स पेक्षा जास्त किमतीची ऊर्जा, तंत्रज्ञान, शेती, कोळसा आणि इतर अमेरिकन उत्पादने खरेदी करेल. आगामी काळात भारतासोबतचे आमचे अद्भुत संबंध अधिक मजबूत होतील.
