फक्त 24 तासात पैशांची त्सुनामी, जगातील 500 श्रीमंतांनी कमावले 336 अब्ज डॉलर, हा अब्जाधीश ठरला नंबर वन
आज जगातील 500 श्रीमंत व्यक्तींनी एका दिवसात $336 अब्ज डॉलर कमावले, ही विक्रमी वाढ आहे. एलन मस्क यांनी SpaceX च्या यशाने $164 अब्ज डॉलरची वाढ मिळवत जगातील सर्वात श्रीमंत व्यक्तीचा मान पटकावला. शेअर बाजारातील उत्साहामुळे ही वाढ झाली असली तरी, श्रीमंतांमधील संपत्तीची दरीही ठळकपणे समोर आली आहे.
World’s 500 Richest : आजचा दिवस जगातील श्रीमंतांसाठी मोठी पर्वणीच ठरला आहे. Bloomberg Billionaires Indexच्या अनुसार, न्यूयॉर्कमध्ये बाजार बंद होईपर्यंत जगातील 500 सर्वाधिक श्रीमंत व्यक्तींच्या संपत्तीत 336 अब्ज डॉलरची घसघशीत वाढ झाली आहे. ही एका दिवसातील वाढलेली आजवरची सर्वाधिक वाढ आहे. त्याशिवाय या 500 अब्जाधिशांची एकूण संपत्ती 13.3 ट्रिलियन डॉलवर पोहोचली आहे. त्यामुळे या अब्जाधिशांसाठी आजचा दिवस प्रचंड फायद्याचा ठरला आहे.
जगातील पहिले ट्रिलियनेयर एलन मस्क या स्पर्धेत सर्वात पुढे आहेत. त्यांची संपत्तीही घसघशीत वाढली आहे. त्यांची संपत्ती 10 टक्क्याने वाढून 1.27 ट्रिलियन डॉलर झाली आहे. Bloomberg Billionaires Index मधील सर्वात कमी संपत्ती असलेल्या 12 लोकांची संपत्तीतही 7.9 अब्ज डॉलर प्रति व्यक्ती झाली आहे.
बाजारात उत्साह
सोमवारी बाजार सुरुवातीपासूनच पॉझिटिव्ह होता. अमेरिका आणि ईराण दरम्यान हॉर्मुज स्ट्रेट पुन्हा उघडण्यावर अंतरिम करार झाला हे त्यामागचं एक कारण होतं. तर Space Exploration Technologies Corp. म्हणजे SpaceX ने गेल्या आठवड्यात सार्वजनिक कंपनी म्हणून शानदार सुरुवात केली होती.
त्याचा परिणाम वैश्विक बाजारावरही दिसून आला. Dow Jones Industrial Average रेकॉर्ड स्तरावर पोहोचला. तर Nasdaq 100 आणि MSCI World Index आपल्या आपल्या ऑल टाइम हायच्या जवळ बंद झाला.
SpaceX ची जोरदार कमाई
जगातील अब्जाधिशांच्या संपत्तीत झालेल्या विक्रमी वाढीच्या मागे SpaceXचं मोठं योगदान राहिलं आहे. कंपनीच्या शेयरमध्ये रिटेल गुंतवणूकदारांनी प्रचंड गुंतवणूक केली. त्यामुळे त्याची मार्केट व्हॅल्यू 20 टक्क्याने वाढली.
या तेजीचा सर्वाधिक फायदा एलन मस्कला झाला. त्यांच्या संपत्ती एका दिवसात 164 अब्ज डॉलरची वाढ झाली. ही रक्कम Bloomberg Billionaires Indexमध्ये असलेल्या बाकी 499 लोकांच्या एकूण संपत्तीच्या वाढीच्या बरोबरीने आहे.
मस्क नंबर वन
SpaceX सार्वजनिक झाल्यानंतर एलन मस्कची संपत्ती इतर अब्जाधिशांपेक्षा अधिक झाली आहे. त्यांची संपत्ती जवळपास 1,273 अब्ज डॉलर झाली आहे. लॅरी पेजची संपत्ती 314 अब्ज डॉलर झाली आहे. सर्गेई ब्रि यांची संपत्ती 292 अब्ज डॉलर, जेफ बेजोस यांची 267 अब्ज डॉलर आणि लॅरी एलिसन यांची संपत्ती 247 अब्ज डॉलर झाली आहे.
श्रीमंतांच्या संपत्तीत तफावत
एलन मस्क यांची संपत्ती ही दीर्घकाळापासून जगातील सर्वात श्रीमंत लोक आणि सामान्य नागरिक यांच्यात वाढत चाललेल्या आर्थिक विषमतेचे उदाहरण मानली जाते. आता ही दरी जगातील सर्वात श्रीमंत लोकांमध्येही स्पष्टपणे दिसू लागली आहे.
अहवालानुसार, जगातील सर्वात श्रीमंत 50 व्यक्तींकडे एकूण 6.5 ट्रिलियन डॉलर्सची संपत्ती आहे. दुसरीकडे, या यादीतील उर्वरित 450 अब्जाधीशांची एकत्रित संपत्ती 6.8 ट्रिलियन डॉलर्स इतकी आहे. म्हणजेच, अव्वल 50 अब्जाधीशांकडे जवळपास तेवढीच संपत्ती आहे, जितकी उर्वरित 450 अब्जाधीशांकडे मिळून आहे.
