Forbes List 2025: एलन मस्क नंबर वन, पण कोण-कोण देतय त्यांना आव्हान? वाचा सविस्तर

जगातील सर्वात श्रीमंत व्यक्तींच्या यादीत पुन्हा एकदा मोठा फेरबदल झाला आहे. Forbes Billionaire List 2025 नुसार, एलन मस्क जुलै 2025 पर्यंतदेखील जगातील सर्वात श्रीमंत व्यक्ती आहेत. त्यांची एकूण संपत्ती तब्बल $393.1 अब्ज इतकी असून ते सलग तिसऱ्या वर्षी या यादीत अव्वल स्थानावर आहेत. विशेष म्हणजे, SpaceX च्या प्रचंड वाढलेल्या $350 अब्ज डॉलर्सच्या व्हॅल्युएशनमुळे त्यांची संपत्ती उंचावली आहे. याशिवाय Tesla, X (माजी ट्विटर), xAI आणि Boring Co. यांसारख्या त्यांच्या अन्य कंपन्याही त्यांच्या संपत्तीत मोलाची भर घालत आहेत.

लैरी एलिसन दुसऱ्या क्रमांकावर

जुलै महिन्यात Oracle चे सहसंस्थापक आणि चेअरमन लैरी एलिसन यांनी जोरदार उडी घेतली असून ते जगातील दुसरे सर्वात श्रीमंत व्यक्ती बनले आहेत. त्यांची संपत्ती $275.9 अब्ज इतकी झाली असून, ही वाढ मुख्यत्वे Oracle च्या शेअरमध्ये 32% वाढ झाल्यामुळे झाली आहे. यामुळे त्यांनी Meta चे मार्क झुकरबर्ग आणि Amazon चे जेफ बेजोस यांना मागे टाकत दुसरे स्थान मिळवले आहे.

मार्क झुकरबर्ग आणि जेफ बेजोस मागे सरकले

Meta चे प्रमुख मार्क झुकरबर्ग सध्या $247.9 अब्ज संपत्तीसह तिसऱ्या स्थानावर आहेत, तर Amazon चे संस्थापक जेफ बेजोस $236.8 अब्ज डॉलर्ससह चौथ्या क्रमांकावर पोहोचले आहेत.

NVIDIA चे जेनसन हुआंग टॉप 10 मध्ये

NVIDIA चे सीईओ आणि सहसंस्थापक जेनसन हुआंग यांची संपत्तीही झपाट्याने वाढली आहे. त्यांच्या संपत्तीत $20 अब्ज ची भर पडली असून, ती $137 अब्ज वर पोहोचली आहे. यामुळे ते टॉप 10 यादीत दहाव्या स्थानावर पोहोचले आहेत. त्यांनी Zara ब्रँडसाठी प्रसिद्ध अमानसिओ ओर्टेगा यांना मागे टाकले आहे.

टॉप 10 श्रीमंतांची एकूण संपत्ती $2 ट्रिलियन

जुलै 2025 पर्यंत जगातील टॉप 10 श्रीमंत व्यक्तींची एकूण संपत्ती $2 ट्रिलियन इतकी झाली आहे, जी 1 जूनपासून तब्बल $100 अब्ज ने वाढली आहे. या यादीतील 9 पैकी 9 व्यक्ती अमेरिकन आहेत, तर LVMH चे बर्नार्ड अर्नॉल्ट हे एकमेव फ्रेंच उद्योजक आहेत.

जगातील टॉप 10 श्रीमंत (8 जुलै 2025 पर्यंत)

• एलन मस्क – $393.1 अब्ज
• लैरी एलिसन – $275.9 अब्ज
• मार्क झुकरबर्ग – $247.9 अब्ज
• जेफ बेजोस – $236.8 अब्ज
• बर्नार्ड अर्नॉल्ट व कुटुंब – $147.7 अब्ज
• लैरी पेज – $146.2 अब्ज
• वॉरेन बफेट – $143.1 अब्ज
• स्टीव्ह बॉलमर – $141.3 अब्ज
• सर्गे ब्रिन – $139.7 अब्ज
• जेनसन हुआंग – $137.9 अब्ज

भारताबाबत बोलायचं झालं तर रिलायन्स इंडस्ट्रीजचे चेअरमन मुकेश अंबानी हे जुलै 2025 मध्येही भारतातील सर्वात श्रीमंत व्यक्ती आहेत. त्यांची संपत्ती $116 अब्ज असून ते जागतिक यादीत 15व्या स्थानावर आहेत. महत्वाची बाब म्हणजे ते $100 अब्ज क्लबमध्ये पोहोचणारे एकमेव आशियाई उद्योजक आहेत.

ही आकडेवारी पाहता एक गोष्ट स्पष्ट आहे की, तंत्रज्ञान, इनोव्हेशन आणि रणनीतीच्या जोरावर जगातील अब्जाधीश आपली संपत्ती झपाट्याने वाढवत आहेत. आगामी काळात शेअर बाजारातील चढ-उतार आणि कंपन्यांच्या व्हॅल्युएशननुसार या यादीत आणखी बदल होण्याची शक्यता आहे.