PM मोदी दौऱ्यावर असलेल्या नॉर्वेमध्ये किती हिंदू राहतात? कोणत्या धर्माची सर्वाधिक लोकसंख्या?
Norway Hindus : पंतप्रधान मोदींच्या दौऱ्यामुळे नॉर्वेबाबत जगभरात उत्सुकता वाढली असून, त्या देशातील धार्मिक रचना आणि हिंदू लोकसंख्येबाबतही अनेकांना जाणून घ्यायचे आहे.
पंतप्रधान नरेंद्र मोदी सध्या नॉर्वेच्या दौऱ्यावर आहेत. ते 19 मे रोजी होणाऱ्या तिसऱ्या भारत-नॉर्डिक शिखर परिषदेत सहभागी होणार आहेत. पंतप्रधान मोदींच्या या दौऱ्यामुळे नॉर्वेबाबत जगभरात उत्सुकता वाढली असून, त्या देशातील धार्मिक रचना आणि हिंदू लोकसंख्येबाबतही अनेकांना जाणून घ्यायचे आहे. आज आपण या देशात किती हिंदू लोक आहेत? तसेच या देशात कोणत्या देशाची लोकसंख्या सर्वात जास्त आहे याबाबत सविस्तर माहिती जाणून घेऊयात.
नॉर्वेमध्ये किती हिंदू आहेत?
समोर आलेल्या धार्मिक आणि लोकसंख्येच्या आकडेवारीनुसार, सध्या नॉर्वेमध्ये सुमारे 14,320 हिंदू राहतात. ही संख्या देशाच्या एकूण लोकसंख्येच्या जवळपास 0.26 टक्के आहे. नॉर्वेमध्ये हिंदू धर्म अजूनही अल्पसंख्याक धर्म मानला जात असला, तरी हिंदू समुदायाने तिथे स्वतःची वेगळी सांस्कृतिक आणि धार्मिक ओळख निर्माण केली आहे. नॉर्वेमधील बहुतांश हिंदू हे दक्षिण आशियाई समुदायांतील आहेत. यात श्रीलंकन तमिळ आणि भारतीय नागरिकांचा यात मोठा वाटा आहे.
1980 आणि 1990 च्या दशकात श्रीलंकेतील यादवी युद्धादरम्यान अनेक तमिळ निर्वासित सुरक्षिततेच्या शोधात युरोपियन देशांमध्ये गेले होते. त्यापैकी अनेकांनी नॉर्वेमध्ये स्थायिक होणे पसंत केले. गेल्या काही वर्षांत माहिती तंत्रज्ञान, आरोग्य सेवा, अभियांत्रिकी आणि व्यावसायिक क्षेत्रात काम करणाऱ्या भारतीय व्यावसायिकांमुळे नॉर्वेमधील हिंदू लोकसंख्या वाढली आहे.
Today’s community welcome in Oslo included ‘Rhythms of India’, which reflected the cultural diversity of India.
From Sattriya to Bharatanatyam, Kuchipudi to Odissi, Kathak to Mohiniyattam, each dance form carries years of devotion, discipline and excellence.
Proud of our… pic.twitter.com/UR6MkZF12i
— Narendra Modi (@narendramodi) May 18, 2026
नॉर्वेमधील सर्वात मोठा धर्म कोणता?
नॉर्वेमध्ये ख्रिश्चन धर्म हा अजूनही प्रमुख धर्म आहे. उपलब्ध आकडेवारीनुसार, देशातील सुमारे 68.5 ते 76 टक्के लोक स्वतःला ख्रिश्चन मानतात. देशातील बहुतांश ख्रिश्चन नागरिक चर्च ऑफ नॉर्वेशी शी संबंधित आहेत. गेल्या काही वर्षांत नॉर्वेमध्ये मोठ्या प्रमाणावर असे लोक वाढले आहेत, जे स्वतःला कोणत्याही धर्माशी जोडलेले मानत नाहीत. सध्या देशातील सुमारे 18 ते 27 टक्के लोक नास्तिक किंवा कोणत्याही औपचारिक धर्माचे पालन न करणाऱ्या गटात मोडतात.
इस्लाम हा सर्वात मोठा गैर-ख्रिश्चन धर्म
इस्लान हा नॉर्वेमधील दुसऱ्या क्रमांकाचा आणि सर्वात वेगाने वाढणारा धर्म आहे. सरकारी आकडेवारीनुसार, देशाच्या लोकसंख्येपैकी सुमारे 3.4 ते 3.7 टक्के लोक मुस्लिम आहेत. त्यांची संख्या 1 लाख 97 हजारांहून अधिक आहे. हे लोक आशियासह इतर देशांमधून या देशात स्थायिक झाले आहेत.
