वाचकांनो… शॉर्ट स्कर्ट घातलेल्या महिलांचे फोटो पाठवा, ‘या’ वृत्तपत्राचा कारनामा

एक वेगळंच प्रकरण समोर आलं आहे. हंगेरीतील एका वृत्तपत्राने वाचकांना शॉर्ट स्कर्ट घातलेल्या महिलांचे फोटो पाठविण्यास सांगितले. हे वाचून तुम्हाला देखील आश्चर्य वाटेल पण हे घडलं आहे. यामुळे सोशल मीडियावर टिकेची झोड उठली आहे. याविषयी पुढे विस्ताराने वाचा.

कधी कधी अशी काही प्रकरणे समोर येतात जी लोकांच्या मनाला चटका लावतात. शॉर्ट स्कर्ट घातलेल्या महिलांचे फोटो पाठविण्यास एका वृत्तपत्राने सांगितल्याचं समोर आलं आहे. खरं तर हे प्रकरण गंभीर आहे. पण, धक्कादायक बाब म्हणजे महिलांच्या परवानगीशिवाय फोटो काढल्याचे आता समोर येत आहे. दरम्यान, नेमकं प्रकरण काय आहे, हे समजून घ्या.

हंगेरीतील एका वृत्तपत्राने आपल्या वाचकांना असेच काहीसे सांगितले आहे, ज्यानंतर लोकांना आश्चर्याचा धक्का बसला आहे. वृत्तपत्राने वाचकांना शॉर्ट स्कर्ट घातलेल्या महिलांची छायाचित्रे पाठविण्यास सांगितले. ही छायाचित्रे वर्तमानपत्राने मागवून छापलीही होती, ज्यामुळे सोशल मीडियावर खळबळ उडाली आहे. ही छायाचित्रे पाहिल्यानंतर महिलांच्या परवानगीशिवाय हा फोटो काढण्यात आल्याचे दिसून येत आहे.

मेट्रोपोल या वृत्तपत्राने 4 जूनच्या अग्रलेखात शॉर्ट स्कर्ट घातलेल्या महिलांची छायाचित्रे प्रसिद्ध केली होती. ही छायाचित्रे वर्तमानपत्रातील ‘टेक फोटो अँड सेंड’ नावाच्या कॉलममध्ये छापून आली आहेत! कॉलममध्ये फोटोंसह प्रक्षोभक मथळा जितका छोटा असेल तितके चांगले! त्यासोबत हे फोटोही प्रसिद्ध करण्यात आले आहेत. खाली कॅप्शनमध्ये लिहिले आहे की, “हे फॅशनला लागू होते की कपडे जितके लहान तितके चांगले! प्रसिद्ध झालेली छायाचित्रे पाहता ही छायाचित्रे भुयारी मार्गावर आणि रस्त्यावर काढलेली असल्याचे दिसते.

‘हे’ प्रकाशित झाल्यापासून हंगेरी आणि सोशल मीडियावर प्रचंड संताप व्यक्त केला जात आहे. स्थानिक वृत्तसंकेतस्थळांनी दिलेल्या माहितीनुसार, मेट्रोपोल प्रकाशित करणाऱ्या मीडियावर्क्सच्या कार्यालयाबाहेर बुधवारी सुमारे 50 ते 60 लोकांनी निदर्शने केली. लोकांनी घोषणा देत माझं शरीर ही वस्तू नसल्याचं म्हटलं. मेट्रोपोलने माफी मागावी, अशी मागणी आंदोलकांनी केली आहे.

सोशल मीडियावर सुरू असलेल्या गदारोळादरम्यान एका युजरने लिहिले की, पुरुष वाचकांना उत्तेजित करणे किंवा शॉर्ट स्कर्ट घालणाऱ्या महिलांना लाजवणे हा यामागचा उद्देश आहे. दोन्ही? याशिवाय एकाने लिहिले की, ‘युवतींचा राज्य पुरस्कृत छळवणूक’. एका युजरने लिहिले की, “परंपरावाद, त्यांना बेडरूमच्या बाहेर महिलांनी ‘साधा ड्रेस’ घालून गृहिणी व्हावे असे वाटते. अशा छळाचा हेतू महिलांना त्या दिशेने ढकलणे हा असतो.’’