इराणने पाडले डोनाल्ड ट्रम्प यांना जगापुढे थेट तोंडावर, जगात खळबळ, थेट…

28 फेब्रुवारी 2026 रोजी इस्त्रायल आणि अमेरिकेकडून अत्यंत मोठा हल्ला करण्यात आला. या हल्ल्यानंतर मोठी खळबळ उडाली. या हल्ल्यात इराणचे सर्वाेच्च नेते ठार झाले. यानंतर इराणकडून आखाती देशात असलेल्या अमेरिकेच्या ठिकाणांना टार्गेट करून मोठा हल्ला करण्यात आला. आखाती देशात झालेल्या हल्ल्यानंतर मोठी खळबळ उडाली. अमेरिकेने साधा विचारही केला नव्हता की, अशाप्रकारे इराण उत्तर देईल. या युद्धात इराणकडून अमेरिका आणि इस्त्रायलला सळो की पळो करून सोडले. शेवटी अमेरिकेकडून मोठी घोषणा करण्यात आली की, आम्ही पाच दिवसांकरिता हे युद्ध थांबवत आहोत. आता 6 एप्रिलपर्यंत हे युद्ध थांबवण्याचा निर्णय अमेरिकेने घेतला. यासोबतच चर्चा होती की, इराणच्या जमिनीवर अमेरिका आपले सैन्य उतरवण्याच्या तयारीत आहे. अमेरिकेने इराणला एक प्रस्ताव दिला. मात्र, तो इराणकडून नाकारण्यात आला आणि अमेरिकेवर आपला विश्वास नसल्याचेही त्यांनी म्हटले.

अमेरिका-इराण युद्धात दोन्ह देशांमधील शाब्दिक चकमक चांगली वाढल्याचे बघायला मिळत आहे. अमेरिकेचे अध्यक्ष डोनाल्ड ट्रम्प यांनी 6 एप्रिलपर्यंत इराणच्या वीज प्रकल्पांवर हल्ला न करण्याचा निर्णय घेतला आहे. या घोषणेदरम्यान, त्यांनी असा दावा केला की हल्ले पुढे ढकलण्यासाठी इराणने स्वतःच वेळ मागितला होता. पण इराणकडून डोनाल्ड ट्रम्प यांचा बुरखा फाडण्यात आला.

इराणने थेट जगापुढे डोनाल्ड ट्रम्प यांचा खरा चेहरा आणला आहे. इराणकडून डोनाल्ड ट्रम्प यांची पोलखोल करण्यात आली. ‘वॉल स्ट्रीट जर्नल’मधील एका वृत्तानुसार, शांतता चर्चेत सहभागी असलेल्या सूत्रांनी स्पष्ट केले आहे की, इराणने अमेरिकेकडे कोणताही विलंब मागितला नव्हता. म्हणजेच डोनाल्ड ट्रम्प स्वत: च्याच मनाने इराणबद्दल विविध दावे करताना दिसत आहेत.

उलट इराणकडून सांगण्यात आले की, दुसऱ्यांदा हल्ला करण्यापासून खुद्द ट्रम्प मागे हटले आहेत आणि आपली प्रतिष्ठा वाचवण्यासाठी ते आमचे नाव पुढे करत आहेत. ते जगाला असे दाखवण्याचा प्रयत्न करत आहेत की, हल्ले करण्याची विनवणी इराणकडून केली जात आहे. पण वस्तूस्थिती काही वेगळी असल्याचे इराणने स्पष्ट केले आहे. कोणत्याही परिस्थितीमध्ये इराण अमेरिकेच्या पुढे झुकताना दिसत नाहीये.