जग हादरलं! सगळ्या शाळा बंद, थेट महामाराची घोषणा, आणखी एक मोठं संकट घोंगावतंय?

करोना महामारीनंतर आता आणखी मोठे संकट जगावर घोंघावताना दिसत आहे. जपानने इन्फ्लूएंझा महामारी जाहीर केली आहे. खरं तर, देशात फ्लूच्या रुग्णसंख्येत अचानक वाढ झाली आहे. त्यामुळे सुरुवातीपासूनच या आजाराला सामोरे जाण्यासाठी उपाययोजना जाहीर करण्यात आल्या आहेत. देशात 4,000 हून अधिक लोक रुग्णालयात दाखल आहेत आणि अनेक ठिकाणी शाळा बंद करण्यात आल्या आहेत. जपानमध्ये फ्लूचे रुग्ण नवीन नाहीत, परंतु ज्या हंगामात ते वाढतात, त्या हंगामाच्या खूप आधी यंदा ही समस्या निर्माण झाली आहे. तज्ज्ञांच्या मते, हा प्रकोप नेहमीपेक्षा पाच आठवडे आधी आला आहे, जो संपूर्ण आशियात विषाणूच्या प्रसाराच्या पद्धतीत बदल दर्शवतो.

भारतासह इतर देशांसाठी धोक्याची घंटा?

देशाच्या आरोग्य मंत्रालयाने नागरिकांना खबरदारी म्हणून लवकरात लवकर लसीकरण करण्याचे आवाहन केले आहे. डॉक्टरांनी चेतावणी दिली आहे की, रुग्णसंख्येतील ही सुरुवातीची वाढ रुग्णालय व्यवस्थेवर दबाव आणू शकते. जरी याला हंगामी फ्लूचा प्रकोप म्हटले जात असले तरी, त्याचे प्रमाण आणि वेळ यामुळे भारतासह इतर देशांसाठी धोक्याची घंटा वाजली आहे. याचे कारण हिवाळ्याचा हंगाम येत आहे आणि त्यात श्वसनाच्या तक्रारी वाढतात.

वाचा: वयाने लहान मुलाला बोलावून बनवले संबंध, नंतर केली हत्या… महामंडलेश्वर अन्नपूर्णा भारतीला अटक

130 हून अधिक शाळा बंद

अधिकाऱ्यांच्या मते, जपानच्या 47 प्रांतांपैकी 28 मध्ये रुग्णसंख्या वाढली आहे. विशेषतः टोक्यो, ओकिनावा आणि कागोशिमा येथे अधिक रुग्ण आढळले आहेत. तेथे 130 हून अधिक शाळा आणि बालसंगोपन केंद्रे तात्पुरती बंद करण्यात आली आहेत. डॉक्टरांच्या मते, यंदा हा प्रकोप अनेक कारणांमुळे अधिक गंभीर झाला आहे. यात फ्लू विषाणूचा एक वेगळा प्रकार समाविष्ट आहे, जो यापूर्वीपेक्षा अधिक शक्तिशाली असल्याचे सांगितले जात आहे. तसेच, कोविड-19 महामारीदरम्यान अनेक वर्षे कमी संपर्कामुळे रोगप्रतिकारक शक्तीतील चढ-उतार हे देखील वाढत्या रुग्णसंख्येचे एक कारण आहे. याशिवाय, अनियमित हवामानामुळेही विषाणूचा संसर्ग वाढत आहे.

डॉक्टर याला फ्लूसाठी कमी झालेले लसीकरणही जबाबदार मानतात. महामारीनंतर बहुतेक लोक बेफिकीर झाले आहेत आणि वार्षिक फ्लूची लस घेण्यासाठी वेळ देत नाहीत, ज्यामुळे विषाणूचा प्रसार जलद गतीने होत आहे.

ही मोठी महामारी बनू शकते का?

तज्ज्ञांच्या मते, सध्या तरी अशी शक्यता नाही. कारण ही एक हंगामी इन्फ्लूएंझा महामारी आहे, जी प्रामुख्याने H3N2 नावाच्या स्ट्रेनमुळे होते, ज्यावर अभ्यास झाला आहे. तसेच, शास्त्रज्ञांचे म्हणणे आहे की, ही निश्चितपणे एक चेतावणी आहे. त्यामुळे सतत निरीक्षण आणि लसीकरण अत्यंत आवश्यक आणि निर्णायक आहे. डॉक्टर वारंवार वृद्ध, मुले आणि आधीपासून आजारी असलेल्या व्यक्तींना लस घेण्याचे आवाहन करत आहेत.