मोठी बातमी! खामनेईला संपवण्यासाठी युद्धविराम? इराणचा सर्वोच्च नेता कुटुंबासहित बेपत्ता
Where is Ayatollah Khamenei: इराण-इस्रायल युद्धात इराणी सर्वोच्च नेत्याला मारण्याची शपथ घेणाऱ्या इस्रायलने आता युद्धबंदीला मान्यता दिली आहे. असे असूनही, अयातुल्ला खमेनी अद्याप त्यांच्या बंकरमधून बाहेर आलेले नाहीत. ते कुठे आहेत हे स्पष्ट झालेले नाही.
इराण आणि इस्रायल यांच्यात युद्धविरामाची घोषणा झाली असून, गेल्या काही तासांपासून दोन्ही देशांमध्ये शांतता दिसत आहे. तरीही, इराणचे सर्वोच्च नेता अयातुल्लाह अली खामनेई आपल्या बंकरमधून बाहेर आलेले नाहीत. खामनेई यांना अजूनही भीती आहे की, युद्धविरामाच्या नावाखाली इस्रायल त्यांची हत्या करू शकतो.
खामनेई आपल्या कुटुंबासह बंकरमध्ये लपले आहेत. त्यांच्या सुरक्षेसाठी तैनात करण्यात आलेल्या विशेष युनिटकडे कोणतेही संचार साधन नाही. दोन्ही देश युद्धविरामावर सहमत झाल्यापासून खामनेई यांचे कोणतेही विधान समोर आलेले नाही आणि अशी बातमी आहे की, ते इस्रायलच्या धमकीला गांभीर्याने घेत आहेत. डोनाल्ड ट्रम्प यांच्यावर त्यांचा अजिबात विश्वास नाही, त्यामुळेच खामनेई बाहेर येण्याचा धोका पत्करत नाहीत.
वाचा: या महाकाय वटवाघूळाच्या आत AC, TV आणि इतर लग्झरी सुविधा; आतुन किती आलिशान आहे बी-2 बॉम्बर?
कुटुंबासह बंकरमध्ये लपलेले
इराणचे सर्वोच्च नेता अयातुल्लाह अली खामनेई यांनी इस्रायलच्या हत्येच्या धमकीला हलक्यात घेतलेले नाही. युद्धविरामाच्या घोषणेनंतरही ते बंकरमधून बाहेर आलेले नाहीत आणि कुटुंबासह तिथेच आहेत. या विशेष बंकरवर इराण रिव्हॉल्यूशनरी गार्डची विशेष युनिट तैनात आहे. या युनिटकडे कोणतेही संचार साधन नाही, त्यामुळे त्यांच्या स्थानाचा ठावठिकाणा लागू शकत नाही. ते कोणताही धोका पत्करू इच्छित नाहीत.
विशेष युनिटची माहिती गुप्त
खामनेई यांच्या सुरक्षेसाठी तैनात विशेष युनिटबद्दल कोणत्याही सुरक्षा किंवा गुप्तचर संस्थेला काहीही माहिती नसते. या युनिटमध्ये कोण-कोण आहे, याचीही कोणतीही माहिती सार्वजनिक नाही. इराणच्या सर्वोच्च नेत्याला जेव्हा संदेश द्यायचा असतो, तेव्हा एका मध्यस्थामार्फत तो संदेश आधी बंकरबाहेर पाठवला जातो, मग तो मध्यस्थ दुसऱ्या युनिटकडे पोहोचतो. त्यानंतर संचार माध्यमांद्वारे तो संदेश जनतेपर्यंत पोहोचवला जातो.
उत्तराधिकारीची घोषणा
आपल्या हत्येच्या धमकीच्या पार्श्वभूमीवर अयातुल्लाह अली खामनेई यांनी आपला उत्तराधिकारी लवकरात लवकर जाहीर करण्यास सांगितले आहे. आतापर्यंत त्यांच्या उत्तराधिकारीसाठी दोन नावे पुढे आहेत. यापैकी एक नाव त्यांचा मुलगा मौलवी मोजतबा यांचे आहे, ज्यांना आपल्या वडिलांसोबत बराच काळ काम करण्याचा अनुभव आहे. दुसरे नाव आहे इस्लामी क्रांतीचे जनक खुमैनी यांचा 53 वर्षीय नातू हसन खुमैनी यांचे. हसन खुमैनी यांना आजही वरिष्ठ मौलवी आणि रिव्हॉल्यूशनरी गार्डमध्ये मान आहे. तथापि, इराणच्या धोरणानुसार या नावांमध्ये बदलही होऊ शकतो, कारण तिथे वंशपरंपरागत उत्तराधिकारी निवडला जात नाही. तरीही सर्वोच्च नेत्याचा निर्णय अंतिम असेल.
