जर्मनीत न्यूज-9 ग्लोबल समिटचं आयोजन, पंतप्रधान नरेंद्र मोदींसह अनेक दिग्गज होणार सहभागी

Tv9 ग्रुपच्या न्यूज-9 ग्लोबल समिटचं आयोजन हे 21 ते 23 नोव्हेंबरदरम्यान जर्मनी येथे करण्यात आलं आहे. या समिटमध्ये अनेक आंतरराष्ट्रीय विषयांवर चर्चा होणार आहे. या समिटमध्ये देशविदेशातील अनेक दिग्गज सहभागी होणार आहेत, अशी माहिती Tv9 ग्रुपचे एमडी आणि सीईओ बरुण दास यांनी दिली. या समिटमध्ये भारत आणि जर्मनी यांच्यातील विकासावर चर्चा होणार आहे. या समिटमध्ये भारताचे पंतप्रधान नरेंद्र मोदी आणि अनेक दिग्गज उपस्थित असणार आहेत. पंतप्रधान मोदी 22 नोव्हेंबरला या समिटमध्ये सहभागी होणार आहेत. जगात कोणकोणत्या क्षेत्रात विकासाची आशा आहे, या विषयावर नरेंद्र मोदी बोलणार आहेत. या समिटचं आयोजन जर्मनीतील स्टटगार्ट येथील एमएचपी एरिना स्टेडियमध्ये करण्यात आलं आहे.

या ग्लोबल समिटला 21 नोव्हेंबरला भारत आणि जर्मनीच्या राष्ट्रगीताने सुरुवात होईल. पहिल्या सत्रात भारत आणि जर्मनीतील विकासाच्या मुद्द्यावर चर्चा केली जाणार आहे. तसेच विकासाबाबत अन्य महत्त्वाच्या मुद्द्यांवर चर्चा होणार आहे. यामध्ये अनेक सत्रात दिग्गज मंडळी आपले विचार मांडतील. तर 22 नोव्हेंबरला पंतप्रधान नरेंद्र मोदी संबोधित करतील.

एआय आणि डिजीटल इकॉनॉमीवर चर्चा

एआयमुळे अनेक गोष्टी सुसह्य झाल्या आहेत. एआयची सर्वच क्षेत्राच चर्चा पाहायला मिळत आहे. एआयमुळे मोठी क्रांती झाली आहे. या समिटच्या दुसऱ्या दिवशी 22 नोव्हेंबरला एआय अर्थात आर्टीफीशीयस इंटेलिजन्स आणि डिजीटल इकॉनॉमीवर चर्चा होणार आहे. तसेच समिटमध्ये अन्य महत्त्वाच्या विषयांवर चर्चा होणार आहे. त्यामुळे या समिटकडे देशाचं लक्ष असणार आहे.

भारत-जर्मनी या 2 देशांमधील व्यापारी संबंध दृढ करण्याच्या उद्देशाने TV9 नेटवर्ककडून न्यूज-9 ग्लोबल समिटचं आयोजन करण्यात आलं आहे. या समिटमध्ये दोन्ही देशातील उद्योजक, राजकीय नेते आणि केंद्रीय मंत्री सहभागी होणार आहेत.