माझे वक्तव्य चुकीच्या पद्धतीने सादर केले, शेजारील देशांशी माफीच्या मुद्यावर काय म्हणाले इराणी राष्ट्राध्यक्ष ?
पश्चिम आशियात सुरु असलेल्या युद्धाचा हा दुसरा आठवडा सुरु आहे. इस्राईनने इराणच्या अनेक भागात ताजे हल्ले केले आहेत. आणि तेहराण हादरला आहे. या संघर्षात आतापर्यंत १,३३२ इराणी नागरिकांनी त्यांचे प्राण गमावले आहेत.
पश्चिम आशियात सुरु असलेल्या भीषण युद्धादरम्यान आता इराणचे राष्ट्राध्यक्ष मसूद पेझेश्कियान यांचे एक मोठे वक्तव्य समोर आहे. रविवारी त्यांनी स्पष्ट केले तर माझ्या अलिकडच्या वक्तव्याला शत्रूंनी चुकीच्या प्रकारे तोडून अर्धवट प्रसिद्ध केले. मसूद पेझेश्कियान यांनी म्हटले आहे की शत्रू देश अशी चाल खेळत आहेत ज्यामुळे जगाला वाटेल की इराणचे त्यांच्या शेजारच्यांशी युद्ध सुरु आहे, वास्तविक इराणला सद्भाव आणि भाईचारा हवा आहे.
इराणच्या सरकारी टीव्हीशी बोलताना पेझेश्कियान म्हणाले की आम्ही वारंवार स्पष्ट केले आहे की शेजारील देशांना आम्ही बंधू मानतो आणि आमचे त्यांच्याशी चांगले नाते व्हायला हवे. परंतू हल्ल्याचे उत्तर देण्यास आम्ही मजबूर आहोत, परंतू याचा अर्थ हा नाही आमचा कोणा शेजारील देशाशी वाद आहे. आणि त्यांच्या लोकांना नाराज करु शकत नाही.
माफीच्या वक्तव्यावरुन वाद, ट्रम्पना उत्तर
वास्तविक काही दिवसांपूर्वी पेझेश्कियान यांनी त्या आखाती देशांशी माफी मागितली होती, जे इराणी हल्ल्याने प्रभावित झाले आहेत. ते म्हणाले होते की मी व्यक्तीगत रुपाने त्या देशांची माफी मागतो ज्यांना आमच्या कारणाने नुकसान झाले आहे. याच सोबत त्यांनी अमेरिकन राष्ट्राध्यक्ष ट्रम्प यांच्या मागणीला फेटाळून लावले, ज्यात ते म्हणाले होते की विना शर्त आत्मसमर्पण करण्यास सांगितले होते. पेझेश्कियान यांनी यास ट्रम्प यांचे स्वप्न म्हटले आहे.
पेझेश्कियान यांनी हे देखील सांगितले की इराणच्या अस्थायी नेतृत्व परिषदेने शेजारील देशांवर हल्ले थांबवण्याचा निर्णय घेतला आहे.परंतू यासाठी एक अट ठेवली आहे. इराणवर त्या देशाच्या जमिनीवरुन कोणताही हल्ला व्हायला नको. मात्र, या निर्णयावर इराणमधील काही कट्टरपंथीय गट्टांनी प्रश्न उपस्थित केले आहेत. त्यानंतर राष्ट्राध्यक्ष कार्यालयाला हे स्पष्ट करावे लागले की इराणी सैन्य कोणत्याही हल्ल्याला प्रतिउत्तर देईल.
दुसरीकडे अमेरिकेचे राष्ट्राध्यक्ष डोनाल्ड ट्रम्प यांनी स्पष्ट संकेत दिले की वॉशिंग्टन आता इराणशी कोणतीही चर्चा करण्याच्या मुडमध्ये नाही. ट्रम्प यांचे म्हणणे आहे की जर इराणी नेतृत्वाचा ढाचा कोसळला तर त्यांच्याशी बोलण्याची काही गरजच लागणार नाही. ट्रम्प यांनी हे सांगितले की तेहरान अमेरिकेसाठी मोठा धोका बनला होता.तो अणूबॉम्ब बनवण्याच्या एकदम जवळ पोहचला आहे. मात्र, याचा कोणताही पुरावा त्यांनी दिलेला नाही.
