Iran Israel War : इस्त्रायल, इराण युद्धामध्ये आता रशियाची एन्ट्री, पुतिन यांचा थेट इराणच्या राष्ट्रपतींना फोन, अन्…

अमेरिका, इस्त्रायल आणि इराणमध्ये भीषण युद्ध सुरू आहे. याचदरम्यान आता मोठी बातमी समोर येत आहे, ती म्हणजे रशियाचे राष्ट्रपती व्लादीमीर पुतिन यांनी इराणचे राष्ट्रपती मसूद पेजेशकियन यांना फोन केला आहे. यावेळी त्यांनी इराणचे सर्वोच्च नेते अयतुल्ला अली खामेनेई यांच्या मृत्यूबद्दल दु:ख व्यक्त केलं आहे. तसेच युद्धामुळे मध्य पूर्वेत मोठा तणाव निर्माण झाला आहे, त्यामुळे हे युद्ध थाबलं पाहिजे असं आव्हानही त्यांनी यावेळी इराणच्या राष्ट्रपतींना केलं आहे. युद्धाचा मार्ग सोडून चर्चेने हा प्रश्न सोडवला जावा असं वाटत असल्याचं यावेळी पुतिन यांनी म्हटलं आहे. अमेरिका, इस्त्रायल आणि इराणमध्ये सुरू असलेल्या युद्धामुळे मध्य पूर्वेत मोठा तणाव निर्माण झाला असून, सध्या मध्य पूर्वेत जी परिस्थिती निर्माण झाली आहे, त्या पार्श्वभूमीवर आपण सात्यानं गल्फ को ऑपरेशन कॉन्सिल Gulf Cooperation Council च्या संपर्कात असल्याचंही यावेळी पुतिन यांनी स्पष्ट केलं.

तर दुसरीकडे इराणचे राष्ट्रपती मसूद पेजेशकियन यांनी रशियाचे राष्ट्रपती पुतिन यांचे आभार मानले आहेत. तसेच त्यांनी सध्या युद्धाच्या पार्श्वभूमीवर इराणमध्ये ज्या काही घडामोडी सुरू आहेत, त्याची माहिती पुतिन यांना दिली आहे. यावेळी बोलताना पुतिन यांनी म्हटलं आहे, की या यु्द्धामुळे मध्य पूर्वेत मोठा तणाव निर्माण झाला आहे, त्यामुळे आता युद्ध थांबवून प्रश्न चर्चेद्वारे सोडवले जावेत, अशी आमची भूमिका आहे, असं पुतिन यांनी म्हटलं आहे.

इराणने मानले आभार

दरम्यान रशियाने पाठिंबा दिल्याबद्दल इराणने रशियाचे आभार मानले आहेत. याबाबत रशियाच्या परराष्ट्र मंत्रालयाकडून माहिती देण्यात आली आहे. रशियाने जो पाठिंबा दिला जी भूमिका घेतली त्याबद्दल इराणचे राष्ट्रपती मसूद पेजेशकियन यांनी रशियाचे आभार व्यक्त केल्याचंही परराष्ट्र मंत्रालयानं म्हटलं आहे. दरम्यान दुसरीकडे इस्त्रायने दिलेल्या माहितीनुसार इस्त्रायलच्या सैन्याकडून इराणच्या तेहरान आणि इस्फहान शहरांवर एअर स्ट्राईक करण्यात आला आहे, अजूनही एअस्ट्राईक सुरू असून, तेथील पायाभूत सुविधा पूर्णपणे उद्ध्वस्त करण्यात आल्या आहेत.