Nepal flash flood : नेपाळच्या हायड्रोपॉवरचे ८९८ कर्मचारी वाहून गेले, विविध देशांचे ६२६ जण ठार, तीन हजार बेपत्ता
नेपाळ येथे बुधवारी आलेल्या जलप्रलयात आतापर्यंत ६२६ जणांचा मृत्यू झाल्याचे उघडकीस आले आहे. आज चौथ्या दिवशी अनेक मृतदेह कुजलेल्या स्थितीत सापडत असल्याने इतक्या मृतदेहांची ओळख कशी पटवायची याचे कोडे नेपाळला पडले आहे.
नेपाळमध्ये ग्लेशियर कोसळून बुधवारी आलेल्या महापुराने आतापर्यंत २,४२६ जण बेपत्ता झाले असून आतापर्यंत मृतांचा आकडा ६२६ वर पोहचला आहे. या पुरामुळे आतापर्यंत सुरक्षा दलांनी ४,४५१ जणांना रेस्क्यू केले आहे. या महा आपत्तीवर मात करण्यासाठी १५,२२४ जणांचा फोर्स जुंपला आहे. या दुर्घटनेत आतापर्यंत १०१ जखमी अवस्थेत सापडल्याने त्यांना रुग्णालयात दाखल करण्यात आले आहे.
हायड्रोपॉवरचे ८९८ कर्मचारी बेपत्ता
नेपाळच्या या महा संकटात एकट्या हायड्रोपॉवरचे ८९८ कर्मचारी बेपत्ता झाल्याचे उघडकीस आले आहे. शनिवारी चौथ्या दिवशी देखील अनेक मृतदेह कुजलेल्या स्थितीत सापडत असल्याने इतक्या मृतदेहांना जतन करण्यासाठी शीतगृह आणि फ्रिझर उपलब्ध व्हावेत यासाठी आंतरराष्ट्रीय मदत मिळावी अशी मागणी नेपाळच्या परराष्ट्र मंत्र्यांनी केली आहे.
सापडलेल्या मृतदेहांची वाढती संख्या हाताळताना प्रशासनाची प्रचंड ओढाताण होत असल्याने,मृतदेहांना ठेवण्यासाठी फ्रीझर्ससाठी परदेशी सरकारांशी संपर्क साधण्यात आला आहे. ओळख न पटलेले मृतदेह सामूहिक दफनभूमीत पुरण्याची योजना अधिकारी आखत असल्याचे नेपाळच्या परराष्ट्र मंत्री शिशिर खनाल यांनी म्हटले आहे.
येथे पोस्ट वाचा –
Nepal flood update :
Dead body found till now – 626
Still missing person – 2426
Total injured in hospital – 101
Total security forces mobilized – 15,224
Total people rescued – 4451
— Nepali Catgirl Meow 😺🇳🇵 (@heavyrockon) August 29, 2026
