Secret Chamber : रशिया-युक्रेन युद्धात ती मोठी अपडेट, सापडले ते सीक्रेट…त्या तळघरात दडलंय तरी काय…शास्त्रज्ञ पण हैराण
Secret Chamber Ukraine : रशिया आणि युक्रेनमध्ये एकीकडे शांततेसाठी प्रयत्न सुरू आहेत. पण दुसरीकडे दोन्ही देश एकमेकांवर हल्ला करण्याची संधी सोडत नसल्याचे चित्र आहे. याच दरम्यान एक मोठी अपडेट समोर येत आहे, त्या तळघरात आहे तरी काय?
पश्चिमी युक्रेनच्या हालिच शहरात एक रहस्यमयी तळघर सापडले आहे. गॅलेशियन किल्ल्याच्या खाली शतकानुशतके दडलेली एक अत्यंत दुर्मिळ वस्तू सापडली आहे. 2023 मध्ये युक्रेनच्या राष्ट्रीय विज्ञान अकादमीच्या शास्त्रज्ञांना याविषयीचा अंदाज आला होता. एका जुन्या टॉवर खालील वायुवीजनसाठी तजवीज केली होती. त्याची तपासणी करत असताना हे तळघर सापडले. 300 वर्षांपासून ते बंद असल्याचे समोर आले आहे. 1676 मध्ये तुर्की आणि पोलिश यांच्यात जे युद्ध झाले. त्यानंतर हे तळघर बंद करण्यात आले होते. या छोटेखानी तळघराचा शोध महत्त्वाचा मानण्यात येत आहे.
कसा लागला शोध?
जुन्या गॅलिच राष्ट्रीय अभ्यारणचे संचालक व्लादिमीर ओलेनिक यांनी सांगितले की, जवळपास 150 क्युबीक मीटर दगड माती बाजूला करण्यात आले. हे काम करण्यासाठी अवजारांचा वापर करण्यात आला नाही हे विशेष. हे काम हातानेच करण्यात आले. कारण या मलब्या खाली काही तरी आहे, याचा अंदाज पुरातत्वशास्त्रज्ञांना आला होता. त्यामुळे मशीन, उपकरणांचा वापर करण्यात आला नाही. 17 व्या शतकात हे तळघर कोणत्या तरी भिंतीशी जोडलेले होते, ते समोर आले.
कशासाठी होता त्याचा उपयोग?
सुरुवातीच्या तपासात हे समोर आले आहे की, हे तळघर शस्त्र आणि दारुगोळा लपवण्यासाठी वापरात होता. इथे शत्रूंपासून दारुगोळा लपवण्यात येत होता. येथून तोफ सुद्धा डागण्यात आल्याचा अंदाज शास्त्रज्ञांना आला. त्यांनी तपास तसाच पुढे नेला.
आणि तो गुप्त रस्ता मिळाला
इतक्या खालच्या खंदकात तोफ कशासाठी वापरली असेल असा सवाल पुरातत्त्वशास्त्रज्ञांना पडला होता. त्यानंतर त्यांना भिंतीतून एक मोठे रहस्य कळाले. ती जागा भिंत बांधून बंद केल्याचे समोर आले. त्या ठिकाणी असलेल्या छिद्रातून पाहिले असता एक गुप्त रस्ता थेट किल्ल्याच्या दिशेने जात असल्याचे उघड झाले. त्यामुळे या तळघरापर्यंत राजाला येण्यासाठीचा तो रस्ता असावा अशी चर्चा होत आहे. या किल्ल्याच्या अंतर्गत गुप्त रस्त्यांचे जाळे असल्याची किवंदती आता खरी ठरत आहे.
