संस्कृतमधील ‘या’ शब्दांचं विदेशी सेलिब्रिटींना वेड, जाणून घ्या नेमका अर्थ काय ?
भारतीय भाषेतील टॅटूसुद्धा विदेशी लोकांना आकर्षित करत आहेत. अनेक सेलिब्रिटींचे भारतीय भाषांमध्ये आपल्या शरीरावर टॅटू काढून घेतले आहे.
मुंबई : असं म्हणतात की भारतीय संस्कृती जगातील सर्वांत जुन्या संस्कृतींपैकी एक आहे. याच कारणामुळे भारतीय सण, उत्सव तसेच साहित्य आणि भाषा याकडे विदेशी लोकसुद्धा आकर्षित होतात. अनेक विदेशी सेलिब्रिटींना भारतीय राहणीमान आवडते. अनेक विदेशी लोक तर आपल्या भारतीय भाषा शिकण्यासाठी अतोनात प्रयत्न करताना दिसतात. याच दरम्यान भारतीय भाषेतील टॅटूंनीसुद्धा विदेशी लोकांना वेड लावले आहे. अनेक सेलिब्रिटींनी भारतीय भाषांमध्ये आपल्या शरीरावर टॅटू काढून घेतले आहे. (know meaning of Sanskrit Anuugacchati Pravaha tattoo which is also tatto of Katty Parry)
कॅटी पेरीने गोंदवलं ‘अनुगच्छतु प्रवाह’
सध्या देश तसेच विदेशात संस्कृत भाषेतील एक टॅटू ट्रेंडिंगवर आहे. अनेक विदेशी सेलिब्रिटींनी हा टॅटू आपल्या शरीरावर गोंदवून घेतला आहे. ‘अनुगच्छतु प्रवाह’ या नावाचा टॅटू भारतीय लोक तसेच विदेशी लोक आनंदाने आपल्या शरीरावर गोंदवून घेत आहेत. प्रसिद्धा गायिका तसेच गीतकार कॅटी पेरी हिनेसुद्धा ‘अनुगच्छतु प्रवाह’ नावाचा हा टॅटू आपल्या शरीरावर काढला आहे. या टॅटूसोबतचे तिचे अनेक फोटो सध्या सोशल मीडियावर व्हायरल झाले आहेत. कॅटी पेरीने आपल्या उजव्या हातावर हा टॅटू काढला आहे.
‘अनुगच्छतु प्रवाह’ टॅटूची सगळीकडे चर्चा
संकृत भाषेतील ‘अनुगच्छतु प्रवाह’ हा टॅटू सध्या चर्चेचा विषय़ ठरला आहे. देश तसेच विदेशातील लोक हा टॅटू आपल्या शरीरावर गोंदवून घेत आहेत. भारतात तर ‘अनुगच्छतु प्रवाह’ लिहलेले अनेक टी-शर्टसुद्धा बाजारात आले आहेत.
‘अनुगच्छतु प्रवाह’ चा अर्थ काय ?
‘अनुगच्छतु प्रवाह’ नाव लिहलेल्या टॅटूची सध्या सगळीकडे चर्चा होत असल्यामुळे या नावाचा अर्थ काय ? हा प्रश्न अनेकांना पडतोय. हा शब्द संस्कृत भाषेतील असून त्याचा अर्थ हा प्रवाहासोबत पुढे चालणे, न थांबता प्रवाहासोबत वाटचाल करणे असा आहे.
दिग्गजांनी शरीरावर गोंदवले टॅटू
दरम्यान कॅटी पेरी हिनेच भारतीय भाषेत टॅटू गोंदवून घेतला आहे असे नाही. तर अनेक विदेशी सेलिब्रिटींनीसुद्धा हिंदी किंवा संस्कृत भाषेत शरीरावर गोंदवून घेतले आहे. यामध्ये Rihanna, David Beckham, Vanessa Hudgens, Miley Cyrus, Tommy Lee Brittany Snow, Jessica Alba, Alyssa Milano, Adam Levine अशा दिग्गजांचा समावेश आहे.
इतर बातम्या :
Video | मोनालिसाचा न्याराच थाट, निळ्या साडीत घोड्यावर बसून शाही रपेट, व्हिडीओ एकदा पाहाच
Video | मुलाने गायलं गोड गाणं, बोबडे बोल नेटकऱ्यांच्या काळजाला भिडले, व्हिडीओ व्हायरल
(know meaning of Sanskrit Anuugacchati Pravaha tattoo which is also tatto of Katty Parry)