भारतीय सैन्याच्या सामर्थ्याला बळ! AK-47 रायफलचे अपग्रेड व्हर्जन हाती, खासियत जाणून घ्या

कशी आहे नवी रायफल?

Image Credit source: The Print

एके-47 हे नावदेखील काढल्यास दुश्‍मनांच्या मनात धडकी भरत असते. त्यात हे शस्त्र भारतीय सेनेच्या (Indian Army) हातात असल्यास भारतीय सिमेकडे नजर उठवून बघण्याचीही हिंमत शस्त्रूची होत नाही. भारतीय सैन्याच्या सामर्थ्याला अधिक बळ देण्याचे काम एके-47 असॉल्ट रायफलच्या (AK-47 assault rifle) माध्यमातून होत आहे. आता एका भारतीय कंपनीने या एके-47 ला अधिक अपग्रेड केले आहे. ज्यामुळे ही रायफल पहिल्यापेक्षा अधिक मजबूत झाली आहे. शत्रूला धुळ चारण्यासाठी भारतीय सेनेच्या हातात ही रायफल आल्याने आपल्या शक्तीत अधिक वाढ झाली आहे. गेल्या वर्षी ऑक्टोंबरमध्ये इस्रायलच्या एका कंपनीला मागे टाकत बेंगलुरुमधील एसएसएस डिफेंस या कंपनीने (SSS Défense Company) हा करार मिळवला आहे. याअंतर्गत कंपनीने एके सिरीजच्या रायफल्सना अपग्रेड करुन सेनेच्या हवाली केले आहे.

एका रिपोर्टनुसार, अपग्रेड झाल्यानंतर एके-47 अजून जास्त खतरनाक झाली आहे. या रायफलचा एक नवीन फोल्डेबल बट स्टॉक बनवण्यात आले आहे. ज्यामुळे सेनेचे जवान आता अजून चांगल्या पध्दतीने रायफलचा वापर करुन शकणार आहेत. या नवीन रायफलमध्ये डस्ट कव्हरलाही सहभागी करुन घेतले आहे. ज्याच्या मदतीने भारतीय जवानांना आपल्या लक्ष्यावर निशाना लावणे अधिक सोपे होणार आहे.

हे सर्व फिचर्स जुन्या एके-47 मध्ये नव्हते. रायफलच्या फ्रंट एंडमध्ये देखील बरेच बदल केले आहेत. यामुळेच ही रायफल पुर्वीपेक्षा अधिक खतरनाक बनली आहे. या रायफलला गरज पडल्यास चाकू लावूनही त्याचा वापर केला जाउ शकतो.

नवीन अपग्रेड किटमध्ये नवीन हँड गार्ड आणि व्हर्टीकल ग्रिप देण्यात आली आहे. यामुळे जवानांना एक चांगली फायरिंग पोझिशन मिळणार आहे. ‘द प्रिंट’ने रक्षा आणि सुरक्षा प्रतिष्ठानाच्या सूत्राच्या माध्यमातून स्पष्ट केले, की एके-47 हे आपल्या विश्‍वसनियता आणि वापर करण्याच्या सोप्या व सरळ पध्दतींमुळे प्रसिध्द आहे. याला अपग्रेड केल्यामुळे भारतीय जवानांना एक चांगली ग्रीप मिळाली आहे.

एका रिपोर्टनुसार, नवीन एके-47 रायफलला संपूर्ण नवीन लूक देण्यात आला आहे. ही रायफल अपग्रेड करण्यासाठी आतापर्यंत इस्रायलच्या कंपन्यांनाच प्राधान्यक्रम दिला जात होता. परंतु आता भारतीय कंपनी एसएसएस डिफेंसने देखील या क्षेत्रात आपला ठसा निर्माण केला आहे.