आता Aadhaar प्रमाणे Voter ID सुद्धा डिजीटल; सोबत ठेवण्याचं टेन्शन संपणार

तुम्ही आता डिजीटल स्वरुपात मतदार ओळखपत्राचा (Digital Voter ID) वापर करु शकाल. कारण तुमचं मतदार ओळखपत्र आता आधार कार्डप्रमाणे डिजीटल होऊ शकतं.

आता Aadhaar प्रमाणे Voter ID सुद्धा डिजीटल; सोबत ठेवण्याचं टेन्शन संपणार
voter

नवी दिल्ली : मतदान करायला जाताना तुम्ही मतदार ओळखपत्र (Voter ID) सोबत नेता. परंतु आता तुम्ही डिजीटल स्वरुपात मतदार ओळखपत्राचा (Digital Voter ID) वापर करु शकाल. कारण तुमचं मतदार ओळखपत्र आता आधार कार्डप्रमाणे डिजीटल होऊ शकतं. काही मीडिया रिपोर्ट्सनुसार निवडणूक आयोग (Election Commission) लवकरच मतदार ओळखपत्र हे डिजीटल स्वरुपात (Digital Voter Cards) घेऊन येण्याच्या तयारीत आहे. त्यामुळे Voting Card आता आधार कार्डप्रमाणे डिजीटल स्वरुपात जवळ ठेवता येणार आहे. (EPIC : Voter ID cards may go digital before 5 states elections in 2020; Election Commission latest updates)

सध्याच्या Voting Card धारकांना हेल्पलाईन अ‍ॅपच्या माध्यमातून केवायसी (KYC) केल्यानंतर ही सुविधा उपलब्ध होऊ शकते. मतदारांना ‘इलेक्टर्स फोटो आयडेंटिटी कार्ड’ (EPIC) ही सुविधा सहज उपलब्ध करून देणे हा एकमेव हेतू डोळ्यासमोर ठेवून निवडणूक आयोगाने हे पाऊल उचललं आहे. दरम्यान, काही मीडिया रिपोर्ट्समध्ये दावा करण्यात आला आहे की, पुढील वर्षी होणाऱ्या पाच राज्यांच्या विधानसभा निवडणुकांपूर्वी ही सेवा उपलब्ध करुन दिली जाणार आहे. ही सेवा सुरु केल्यानंतर मतदार त्यांचं वोटिंग कार्ड डाऊनलोड करुन वापरु शकतील.

नव्या मतदारांना थेट डिजीटल वोटिंग कार्ड मिळण्याची शक्यता

मीडिया रिपोर्ट्समध्ये असा दावा करण्यात आला आहे की, वोटिंग कार्डबाबतची नवी सुविधा लागू झाल्यानंतर जे नवे मतदार नोंदणी करतील, त्यांना थेट डिजीटल वोटर आयडी दिला जाईल. नव्या मतदारांना ही सुविधा आपोआप मिळेल. मात्र सध्याच्या मतदारांना हेल्पलाईन अॅपद्वारे काही औपचारिक प्रक्रिया पूर्ण केल्यानंतरच डिजीटल ओळखपत्र मिळेल. नवीन मतदार इंटरनेटवरून त्यांच वोटिंग कार्ड डाऊनलोड करू शकतील आणि त्या डिजीटल कार्डच्या माध्यमातून ते त्यांचा मतदानाचा हक्क बजावू शकतील. या नव्या प्रणालीमुळे मतदान ओळखपत्र मिळण्यासाठी लागणारा वेळ आणि नागरिकांना होणारा त्रास कमी होणार आहे.

डिजीटल मतदार कार्डमध्ये दोन क्यूआर कोड

ईपीआयसीच्या (EPIC) डिजीटल मतदार कार्डमध्ये दोन क्यूआर कोड (QR) असतील. या कोडमधील माहितीच्या आधारे, इंटरनेटवरून डाऊनलोड केलेल्या मतदान कार्डद्वारे मतदार मतदान करू शकतील. यामधील क्यूआर कोडमध्ये मतदाराचे नाव, त्याच्या वडिलांचे नाव, वय, लिंग आणि मतदारांच्या फोटोशी संबंधित माहिती असणार आहे. तर दुसर्‍या क्यूआर कोडमध्ये मतदार यादीतील अनुक्रमांक, मतदाराचा पत्ता आणि इतर माहिती असेल.

संबंधित बातम्या 

रंगीत व्होटर आयडी हवंय? मग ऑनलाईन अप्लाय करा! जाणून घ्या स्टेप बाय स्टेप प्रोसेस

आधार कार्डला पॅन लिंक केलात का? नाहीतर द्यावा लागेल 10 हजाराचा दंड, डेडलाईन संपतेय!

Aadhaar Card | ‘आधार’शी नेमका कोणता मोबाईल क्रमांक जोडलाय? केवळ 5 मिनिटांत मिळेल उत्तर!

(EPIC : Voter ID cards may go digital before 5 states elections in 2020; Election Commission latest updates)

Read Full Article

Click on your DTH Provider to Add TV9 MARATHI