MPSC exam guidelines : प्रशासनाची जय्यत तयारी, 21 मार्चला परीक्षा, 100 मी परिसरात फोन, STD, झेरॉक्स, मोबाईल बंद
सातही परीक्षा उपकेंद्र परिसरात कलम 144 नुसार प्रतिबंधात्मक आदेश लागू करण्यात आले आहेत. (MPSC exam 2021 new guidelines for Maharashtra Public Service Commission exam date on 21 march)
वाशिम : महाराष्ट्र लोकसेवा आयोगाद्वारे घेण्यात येणारी राज्य पूर्व परीक्षा 2020, येत्या रविवारी, 21 मार्च 2021 रोजी वाशिम शहरातील सात परीक्षा उपकेंद्रांवर घेण्यात येणार आहे. सकाळी 10 ते दुपारी 12 व दुपारी 3 ते सायंकाळी 5 वाजेपर्यंत अशा दोन सत्रात हा परीक्षा घेण्यात येणार आहे. या सातही परीक्षा उपकेंद्र परिसरात कलम 144 नुसार प्रतिबंधात्मक आदेश लागू करण्यात आले असल्याचे जिल्हाधिकारी कार्यालयामार्फत कळविण्यात आले आहे. (MPSC exam 2021 new guidelines for Maharashtra Public Service Commission exam date on 21 march)
या सात पकेंद्रांवर होणार परीक्षा
महाराष्ट्र राज्य पूर्व परीक्षा वाशिम शहरातील राजस्थान महाविद्यालय, हॅपी फेसेस हायस्कूल, श्री शिवाजी हायस्कूल, राणी लक्ष्मीबाई कन्या शाळा, बाकलीवाल विद्यालय, एस. एम. सी. इंग्लिश स्कूल व जवाहर नवोदय विद्यालय या सात परीक्षा उपकेंद्रांवर घेण्यात येणार आहे. या सर्व परीक्षा उपकेंद्रांवर प्रतिबंधात्मक आदेश लागू करण्यात आले असून परीक्षा उपकेंद्रांवर ओळखपत्राशिवाय कोणालाही प्रवेश मिळणार नाही.
100 मीटर परिसरात निर्बंध लागू
उपकेंद्राच्या 100 मीटर परिक्षेत्रात केंद्राधिकारी, पर्यवेक्षक, समवेक्षक, सहाय्यक कर्मचारी, परीक्षार्थी, परीक्षेसाठी नियुक्त समन्वय अधिकारी व जिल्हाधिकारी यांच्याकडून नियुक्त केलेले अधिकारी यांच्या व्यतिरिक्त इतर व्यक्तींना प्रवेशास मनाई राहील. उपकेंद्रावर 100 मीटरचे आत रस्त्यावरून वाहन नेण्यास मनाई राहील.
आदेशाचे उल्लंघन केल्यास कारवाई
परीक्षा उपकेंद्रांच्या 100 मीटर परिसरातील सर्व सार्वजनिक टेलीफोन, एस.टी.डी., आय.एस.डी., झेरॉक्स, फॅक्स, ई-मेल, ध्वनीक्षेपक इत्यादी सुविधांवर प्रतिबंध घालण्यात आला आहे. परीक्षा उपकेंद्रावर मोबाईल फोन, वायरलेस सेट, रेडिओ, दूरदर्शन, कॅल्क्युलेटर, कॉम्प्युटर वापरण्यावर बंदी घालण्यात आली आहे. परीक्षा उपकेंद्रावर एकाच वेळी चार पेक्षा जास्त व्यक्तींना प्रवेश करता येणार नाही. या आदेशाचे उल्लंघन केल्यास कायदेशीर कारवाई करण्यात येईल. सदर आदेश 21 मार्च रोजी सकाळी 8 वाजेपासून ते सायंकाळी 7 वाजेपर्यंत लागू राहतील, असे जिल्हाधिकारी कार्यालयामार्फत कळविण्यात आले आहे. (MPSC exam 2021 new guidelines for Maharashtra Public Service Commission exam date on 21 march)
मराठी मनोरंजन विश्वातल्या ‘या’ प्रसिद्ध जोडीला कोरोनाची लागण, घरातच झालेयत सेल्फ क्वारंटाईन#PriyaBapat | #UmeshKamat | #Corona | #coronavirus https://t.co/8iC4j6SaaM
— TV9 Marathi (@TV9Marathi) March 17, 2021
इतर बातम्या
जबरदस्त फीचर्ससह दमदार ऑडियो क्वालिटी, Redmi TV X50, X55, X65 भारतात लाँच
Mumbai Police commissioner : अखेर परमबीर सिंग यांची उचलबांगडी, हेमंत नगराळे मुंबईचे नवे पोलीस आयुक्त
