मगरी झाडावर, लोक रस्त्यावर, या देशात महापुराचा धुमाकूळ

ऑस्ट्रेलियातील नॉर्थ क्वीन्सलँडमध्ये पावसाने अक्षरशः हाहाःकार माजवलाय. महापूर एवढा भीषण आहे, की मगरी झाडांवर जाऊन बसल्या आहेत, तर भररस्त्यातही मगरी दिसत आहेत.

त्यामुळे लोकांना बाहेर पडण्याचीही भीती वाटत आहे. लोक घराच्या छतांवर जाऊन बसले आहेत. शिवाय संपूर्ण शहराचं जनजीवन विस्कळीत झालंय.

टाऊन्सविले शहरात किमान 500 घरांमध्ये पाणी घुसल्याचं बोललं जातंय. खराब वातावरणामुळे जवळपास 20 हजारांपेक्षा जास्त घरांचं नुकसान झालंय.

हवामान विभागाने परिस्थिती आणखी खराब होऊ शकते, असा इशारा दिलाय. त्यामुळे आणखी उंच ठिकाणी जाऊन आश्रय घेण्याचा सल्ला नागरिकांना देण्यात येतोय.

मगरी रस्त्यावर आल्यामुळे लोकांमध्ये भीतीचं वातावरण आहे. लोक रस्त्यावर उतरायलाही घाबरत आहेत. पाण्याच्या प्रवाहामुळे ही परिस्थिती निर्माण झाली आहे.

नागरिकांकडून सोशल मीडियाच्या माध्यमातून मदत मागितली जात आहे.

Choose your language

मगरी झाडावर, लोक रस्त्यावर, या देशात महापुराचा धुमाकूळ

Network